Enter your Email Address to subscribe to our newsletters
जांजगीर-चांपा, 27 फरवरीमासः (हि. स.)।
होली पर्वणः पूर्वं कृषकाणां आर्थिकसहायतार्थं राज्यशासनस्य “कृषकउन्नतियोजना” अन्तर्गतं आदानसहायराशिः प्रदास्यते। विष्णुदेव साय इत्यस्य नेतृत्वे २८ फेब्रुवरी दिवसे आयोजितेन राज्यस्तरीयधानबोनसवितरणकार्यक्रमेण प्रदेशस्य २५ लक्ष २८ सहस्राधिकपञ्जीकृतकृषकाणां बैंकखातेषु १०,३२४ कोटिरूप्यकाणां राशि: अन्तरिता भविष्यति। अस्मिन् अवसरे मुख्यमंत्री कृषकैः सह आभासीयमाध्यमेन संवादं करिष्यति।
उपसञ्चालककृषेः प्राप्तसूचनानुसारं जांजगीर-चांपा जनपदे १ लक्ष १८ सहस्र ९२७ कृषकाणां कृते समग्रतया ४५० कोटि ८५ लक्ष ४५ सहस्र १३२ रूप्यकाणां आदानसहायराशिः प्रत्यक्षं तेषां बैंकखातेषु प्रेषिता भविष्यति। अनेन जनपदस्य कृषकाणां भाविकृषिकार्येषु आर्थिकबलं प्राप्तं भविष्यति।
योजनान्तर्गतं जनपदस्य सर्वेषु विकासखण्डेषु कार्यक्रमाः आयोज्यन्ते। नवागढ़विकासखण्डस्य मुख्यकार्यक्रमः जिला-मुख्यालयस्थिते ऑडिटोरियम-भवने जांजगीर नगरे प्रातः ११ वादनात् आरभ्य भविष्यति। बम्हनीडीह-विकासखण्डे जनपदपञ्चायतसभागारे, पामगढ़-विकासखण्डे सद्भावनाभवने, अकलतरा-विकासखण्डे जनपदपञ्चायतसभागारे, बलौदा-विकासखण्डे जनपदपञ्चायतपरिसरे च कार्यक्रमाः आयोज्यन्ते।
कृषकउन्नतियोजनान्तर्गतं प्रदत्ता एषा सहायाराशिः होलीतःपूर्वं कृषकाणां कृते महती राहतिः मन्यते, यया ते कृषि-आदानसामग्रीणां व्यवस्थां सुलभतया कर्तुं समर्थाः भविष्यन्ति।
---------------
हिन्दुस्थान समाचार