- उदयगढ़-भगोरिया-उत्सवे करिष्यन्ति सहभागिता, 171.19 कोटिरूप्यकाणां मूल्यस्य विकासकार्याणां प्रदास्यन्ति उपहारः

भोपालम्, 27 फरवरीमासः (हि.स.)।मध्यप्रदेशराज्यस्य मुख्यमन्त्री डॉ. मोहनयादवः अद्य शुक्रवासरे अलीराजपुर जिल्ला इत्यस्य प्रवासे भविष्यति। सः अत्र अमर हुतात्मनः चंद्रशेखरः आजादः इत्यस्य पञ्चनवतितमे (९५) हुतात्मदिवसे आयोजिते गरिमामयकार्यक्रमे सहभागितां करिष्यति।

मुख्यमन्त्री डॉ. यादवः प्रथमं चन्द्रशेखर-आजादनगरं (भाबरा) इत्यत्र स्थितं आजाद-स्मृति-मन्दिरं गत्वा अमर-हुतात्म-चन्द्रशेखर-आजादस्य प्रतिमायाः माल्यार्पणं कृत्वा श्रद्धाञ्जलिम् अर्पयिष्यति। ततः अनन्तरं मण्डी-प्राङ्गणे, चन्द्रशेखर-आजाद-नगरे, उपस्थितं जनसमुदायं सम्बोधयिष्यति।

उल्लेखनीयम् अस्ति यत् अमर-हुतात्म चन्द्रशेखर-आजादः २३ जुलाई १९०६ तमे वर्षे भाबरा-ग्रामे अजायत। तेन भारतीय-स्वातन्त्र्य-संग्रामे अद्वितीयं साहसं त्यागं च प्रदर्शितम्। २७ फरवरी १९३१ तमे दिने अल्फ्रेड पार्क इत्यत्र (अधुना प्रयागराज-नगरस्य) कस्यचित् व्यक्तेः विश्वासघातेन पुलिस-दलेन परिवृतः सन् सः वीरतया युद्धं कृतवान्। अन्तिम-क्षणपर्यन्तं संग्रामं कृत्वा आंग्लजनानां हस्ते न गृहीतुम् इति स्वसंकल्पं पूर्णीकृत्य आत्मबलिदानं दत्तवान्। तस्य जीवनं राष्ट्रभक्तेः, साहसस्य, आत्मसम्मानस्य च प्रेरणास्रोतः अस्ति।

जनसम्पर्क-अधिकारिण्या निशा-सोलङ्की-महोदया सूचितवती यत् मुख्यमन्त्री डॉ. यादवः चन्द्रशेखर-आजाद-नगरे विविध-विकास-कार्याणां भूमिपूजनं लोकार्पणं च करिष्यति। सः ७९.९२ कोटि-रूप्यक-मूल्येन चतुर्दश (१४) कार्याणां लोकार्पणं तथा ११९.०२ कोटि-रूप्यक-मूल्येन पञ्चत्रिंशत् (३५) कार्याणां भूमिपूजनं करिष्यति। एतेन विकास-परियोजनाभिः जनपदस्य समग्र-विकासाय नूतना गतिः प्रदास्यते।

जनजातीय-प्रतिनिधिभिः सह संवादः अपि भविष्यति। जनसम्पर्क-अधिकारिण्याः उक्त्यनुसारं मुख्यमन्त्री डॉ. यादवः उदयगढ़ इत्यत्र आयोजिते पारम्परिके भगोरिया-उत्सवे सहभागी भविष्यति। सः उत्सव-स्थले उपस्थित्य जनजातीय-प्रतिनिधिभिः सह संवादं करिष्यति।

उदयगढ़स्य भगोरिया-उत्सवः स्वीय-रङ्गैः, उल्लासेन, परम्पराभिः च विशेषतया प्रसिद्धः अस्ति। पारम्परिक-वेषभूषाभिः आभूषणैः च अलङ्कृताः युवक-युवत्यः, मांदल-ढोल-निनादे नृत्यमानाः समूहाः, लोकगीतानां मधुर-स्वरलहर्यः, रङ्ग-गुलाल-पूर्णं वातावरणं च समग्रं क्षेत्रम् उत्सवमयं कुर्वन्ति। अयं पर्वः सामाजिक-सौहार्दस्य, पारस्परिक-परिचयस्य, सांस्कृतिक-अभिव्यक्तेः च सशक्तं माध्यमम् अस्ति। एषः उत्सवः जनजातीय-जीवन-शैल्याः, पारम्परिक-कलायाः, लोक-धरोहरायाः संरक्षणस्य जीवन् उदाहरणम् अस्ति।

---------------

हिन्दुस्थान समाचार / अंशु गुप्ता