Enter your Email Address to subscribe to our newsletters
नव दिल्ली, 27 फरवरीमासः (हि.स.)।
प्रधानमन्त्रीः नरेन्द्र मोदी शुक्रवासरे अवदत् यत् प्रस्तावस्य मूल्याङ्कनं तस्य प्रत्यक्षलाभेन वा तात्कालिकप्रभावेन न कर्तव्यम्, अपितु तस्मिन् निहितैः नीतिगतप्रयत्नैः कर्तव्यम्। वस्तुतः राष्ट्रियबजटम् अल्पकालिकं व्यापारदस्तावेजं न भवति, किन्तु नीतिगतमार्गचित्रं भवति। अतः बजटस्य प्रभावशीलतायाः मूल्याङ्कनं दृढपरिमाणकैः करणीयम्।
प्रधानमन्त्री अद्य वीडियोसंवादमाध्यमेन बजटानन्तरं वेबिनारम् “विकसितभारताय प्रौद्योगिकी सुधार वित्त” इत्यस्य सम्बोधनम् अकरोत्। तेन उक्तं यत् राजस्वम् आधारभूतसुविधानां विस्तारः, धनप्रवाहः, जीवनस्य सुकरता, पारदर्शितया सह शासनम्, जनानां कृते नवीनावसरसृष्टिः च इत्येतैः दृष्टिकोणैः अवलोकनीयम्।
तेन उक्तं यत् अद्य देशः सुधारवेगयुक्तयानमार्गे आरूढः अस्ति। अस्य प्रवाहस्य निरन्तरतां स्थापयितुं नीतिगताभिप्रायः तेन सह प्राप्तफलानि च उभयत्र अपि ध्यानं केन्द्रितव्यम्।
प्रधानमन्त्री अवदत् यत् कृत्रिमबुद्धिः ब्लॉकचेन डाटाविश्लेषणम् च व्यापकतया उपयुज्य पारदर्शिता वेगः उत्तरदायित्वं च वर्धनीयम्। तदनन्तरं शिकायतनिवारणप्रणालीभिः प्रभावस्य सततनिगराणी अपि करणीयम्।
तेन उद्योगक्षेत्रं प्रति आह्वानं कृतं यत् शासनस्य आधारभूतसुविधानिवेशस्य लाभः ग्राह्यः। गतैः एकादशवर्षैः आधारभूतसुविधानां विस्तारार्थं बजटः द्विलक्षकोटिरूप्यकात् वर्धित्वा द्वादशलक्षकोटिरूप्यकात् अधिकं जातः। एतादृशः विशालः सरकारीनिवेशः निजीक्षेत्राय स्पष्टसन्देशः अस्ति यत् उद्योगाः वित्तीयसंस्थाश्च नूतनऊर्जया अग्रे आगच्छेयुः।
प्रधानमन्त्री परियोजनानां अनुमोदनमूल्याङ्कनप्रक्रियायाः सुदृढीकरणस्य आवश्यकता अपि निर्दिष्टवान्, यथा कालधनयोः अपव्ययः न भवेत्। लागतलाभसम्बन्धः सम्पूर्णकालव्ययः च विशेषतया परीक्षितव्यौ। बॉन्डमार्केटस्य सुधारैः दीर्घकालीनविकासः स्थिरता विदेशीनिवेशवृद्धिः च सम्भवति। तदर्थं विश्वासः तरलता नूतनसाधनानि उत्तमरिस्कप्रबन्धनम् च अत्यावश्यकानि।
अन्ते तेन सर्वेषां हितधारकाणां प्रति आह्वानं कृतं यत् प्रस्तावेन प्रदत्तानां नवीनावसराणां लाभं स्वीकृत्य संयुक्तरूपेण श्रेष्ठपरिणामाः प्रदीयन्ताम्।
-----------
हिन्दुस्थान समाचार