Enter your Email Address to subscribe to our newsletters
नवदिल्ली, 27 फरवरीमासः (हि.स.)।
प्रधानमन्त्री नरेन्द्र मोदी महोदयः अष्टाविंशतितमे फेब्रुवरी मासे तथा प्रथममार्च दिने देशस्य त्रिषु महत्त्वपूर्णराज्येषु गुजरात राजस्थान तमिलनाडु च तथा केन्द्रशासितप्रदेशे पुड्डुचेरी इत्यत्र भ्रमणं करिष्यति। अस्मिन् अवसरे सः त्रयोविंशतिसहस्रकोटिरूप्यकाधिकमूल्यानां विकासपरियोजनानां उद्घाटनं शिलान्यासं च करिष्यति। अस्य यात्रायाः मुख्याकर्षणं भारतस्य प्रथमं स्वदेशीयं सेमिकण्डक्टरचिपउत्पादनम् तथा बालिकानां कृते राष्ट्रव्यापी टीकाकरणाभियानस्य आरम्भः भविष्यति।
अष्टाविंशतितमे फेब्रुवरी प्रातः एकादशवादने प्रधानमन्त्रिणा अजमेरनगरे राजस्थानराज्ये षोडशसहस्रषट्शताशीति कोटिरूप्यकमूल्यानां परियोजनानां लोकार्पणं भविष्यति। सः चतुर्दशवर्षीयबालिकानां कृते गर्भाशयग्रीवाकर्कटरोगनिवारणार्थं राष्ट्रव्यापी एचपीवी टीकाकरणाभियानस्य शुभारम्भं करिष्यति। शासकीयविभागेषु नवनियुक्तेभ्यः एकविंशतिसहस्राष्टशतयुवकेभ्यः नियुक्तिपत्राणि प्रदास्यन्ते। अस्मिन्नेव अवसरे दिल्ली वडोदरा द्रुतमार्गस्य अमृतसर जामनगर आर्थिकमार्गस्य च विविधपैकेजानां उद्घाटनं भविष्यति।
तस्मिन्नेव दिने अपराह्णे त्रिचत्वारिंशदधिकत्रयवादने प्रधानमन्त्रिणा गुजरातराज्यस्य सानन्दनगरस्थितायाः माइक्रोन टेक्नोलॉजी इत्यस्य सेमिकण्डक्टर असेंबली परीक्षण पैकेजिंग इति एटीएमपी सुविधायाः उद्घाटनं करिष्यते। एषा परियोजना भारतस्य सेमिकण्डक्टरमिशन अन्तर्गतं स्वीकृता प्रथमा परियोजना अस्ति। अत्र भारतनिर्मितस्य प्रथमस्य सेमिकण्डक्टर मेमोरी मॉड्यूलस्य व्यावसायिकउत्पादनं प्रेषणं च आरभ्यते। द्वाविंशतिसहस्रपञ्चशतकोटिरूप्यकाधिकनिवेशयुक्तायां अस्यां कारखानायां विश्वस्य महानतमं क्लीनरूम क्षेत्रं निर्मितम् अस्ति।
अन्ते प्रधानमन्त्रिणा अष्टाविंशतितमे फेब्रुवरी रात्रौ नववादने चेन्नैनगरं तमिलनाडुराज्ये प्राप्य परदिने दक्षिणभारते विकासकार्याणि प्रवर्धयिष्यन्ति। प्रथममार्च दिने प्रातः एकादशचत्वारिंशदधिकपञ्चवादने पुड्डुचेरी प्रदेशे द्विसहस्रसप्तशतकोटिरूप्यकपर्यन्तमूल्यानां आधारभूतसंरचना शिक्षास्वास्थ्यसेवासम्बद्धपरियोजनानां उद्घाटनं शिलान्यासं च करिष्यन्ति। मदुरैनगरे चतुःसहस्रचत्वारिशतकोटिरूप्यकपर्यन्तमूल्यानां आधारभूतसंरचनापरियोजनानां लोकार्पणं कृत्वा जनसभां सम्बोधयिष्यति।
अस्मिन्नवसरे एनएच त्रिशतद्वात्रिंशदधिक एक खण्डस्य मरक्कनम् पुड्डुचेरी मार्गस्य तथा एनएच सप्ताशीतितमस्य परमक्कुडी रामनाथपुरम् खण्डस्य चतुर्लेननिर्माणस्य आधारशिलान्यासः करिष्यते। तमिलनाडुराज्ये अष्ट पुनर्विकसितरेलस्थानकानाम् उद्घाटनं भविष्यति। सायं चतुर्वादने प्रधानमन्त्रिणा मदुरैनगरस्य प्रसिद्धे अरुल्मिगु सुब्रमण्यस्वामी मन्दिरे तिरुप्परनकुंड्रम इत्यत्र पूजार्चना करिष्यते।
---------------
हिन्दुस्थान समाचार