नोएडानगरम्, २७ फरवरीमासः (हि.स.)। उत्तर–प्रदेशस्य जनानां कृते गुणवत्तायुक्ताः स्वास्थ्य–सेवाः उपलब्धकरणं सर्वकारस्य सर्वोच्चा प्राथमिकता अस्ति; अस्मिन् विषये किञ्चिदपि प्रमादं न सह्यते—इति उपमुख्यमन्त्री ब्रजेशपाठक: अवदत्। चिकित्सालयेषु अवसंरचना (इन्फ्रास्ट्रक्चर) तथा मूलभूत–सुविधाः अधिकं सुदृढाः करणीयाः। रोगिणां परिचारकाणां कृते आश्रयस्थलं, चिकित्सकीय–एककानां च औषधीनां तथा मानकानुसारम् उपकरणानां व्यवस्था निश्चिततया करणीयेति सः निर्देशितवान्।

शुक्रवासरे सः गौतम–बुद्ध–नगर–जनपदे ग्रेटर–नोएडा–स्थे राजकीय–आयुर्विज्ञान–संस्थाने मेरठ– मुरादाबाद–तथा सहारनपुर–मण्डलानां विभागीय–अधिकारिभिः सह आयोजितां समीक्षा–सभां सम्बोधितवान्। उपमुख्यमन्त्रिणा निर्देशः दत्तः यत् चिकित्सालयेषु अवसंरचना, मूलभूत–सुविधाः, संकेत–पट्टिकाः (साइनेज), नागरिक–चार्टर, स्वच्छता, तथा शुद्ध–पेयजलस्य गुणवत्तायुक्ता व्यवस्था सुनिश्चिता भवतु। कस्यापि प्रकारस्य प्रमादस्य अनुमतिः न भविष्यति। चिकित्सालयेषु रोगिणां परिचारकाणां कृते विश्रामस्थलं, चिकित्सकीय–एककानां च औषधि–उपकरण–व्यवस्था अपि सुनिश्चिता भवतु—इति पुनरुक्तम्। सर्वेषु जनपदीय–चिकित्सालयेषु एम.आरआइ. तथा आइ.सी.यू.–व्यवस्थाः अपि सम्यक् धारयितव्याः—इति सः निर्दिष्टवान्।

उपमुख्यमन्त्री अवदत् यत् जनपदेषु हेल्थ–एटीएम–व्यवस्थायाः क्रियाशीलता, चिकित्सालयेषु अग्निशमन–उपकरणानां व्यवस्था तथा अग्नि–परीक्षा (फायर–ऑडिट्) अपि सुनिश्चिता भवतु। जनपदेषु सी.टी.–स्कैन तथा डायलिसिस्–सेवाः सुदृढीकर्तव्याः; उपलब्ध–एम्बुलेन्स–यानानां क्रियाशीलता-विषयकाः दिशानिर्देशाः अपि अधिकारिभ्यः प्रदत्ताः। सर्वेषां आयुष्मान–आरोग्य–मन्दिराणां सतत–पर्यवेक्षणं करणीयम्; चिकित्सालयेषु समस्तः कर्मचारीवर्गः एकरूप–वेशे (यूनिफ़ॉर्म्) एव भवतु—इति अपि निर्देशितम्। आरोग्य–मेलानां निरन्तर–आयोजनं तथा अन्येषु चिकित्सकीय–विषयेषु अधीनस्थाः निर्देशिताः।

सभायाम् अपर–मुख्य–सचिवः (स्वास्थ्य एवं चिकित्सा–शिक्षा) अमित–कुमार–घोषः, एन.एच.एम. निदेशिका पिंकी–जोएल, स्वास्थ्य–महानिदेशकः डॉ.पवन–कुमार–अरुणः, प्रशिक्षण–महानिदेशिका डॉ.रंजना–खरे, मुख्य–विकास–अधिकारी (गौतम–बुद्ध–नगर) शिवाकान्त–द्विवेदी, त्रीणि मण्डलानि प्रति अपर–निदेशकाः (स्वास्थ्य), विविध–जनपदानां मुख्य–चिकित्सा–अधिकारी/मुख्य–चिकित्सा–अधीक्षकाः तथा अन्ये अधिकारिणः उपस्थिताः आसन्।

उपमुख्यमन्त्री ब्रजेशपाठकः अवदत् यत् प्रदेशे नवीन–प्रयत्न–रूपेण चिकित्सा–सुविधानां सुदृढीकरणाय २९ अक्टूबर २०२५ दिनाङ्कात् पर्यवेक्षण–तथा–मण्डलीय–समीक्षा आरब्धा। अद्यावधि अष्टसु मण्डलेषु—कानपुर, अयोध्या, देवीपाटन, प्रयागराज, लखनऊ, बरेली, आगरा तथा अलीगढ़—स्थलीय–पर्यवेक्षणं कृत्वा समीक्षा सम्पन्ना।

अद्य त्रयाणां मण्डलानां समीक्षा–सभात: पूर्वं ६–८ फरवरीदिनाङ्केषु मेरठ– मुरादाबाद– तथा सहारनपुर–मण्डलानां १४ जनपदानां अन्तर्गतं प्रायः २४३७ चिकित्सकीय–एककानां निरीक्षणं कृतम्। अस्मिन् निरीक्षणे १९ जिला–चिकित्सालया:, १३१ सामुदायिक–स्वास्थ्य–केन्द्राणि, ४४६ प्राथमिक–स्वास्थ्य–केन्द्राणि, १८२५ आयुष्मान–आरोग्य–मन्दिराणि, १० विशेष–चिकित्सालया:, ०६ चिकित्सा–महाविद्यालयाः तथा ६६२ मुख्यमंत्री–आरोग्य–मेलापक:— एतेषां राज्य–मण्डल– तथा जनपद–स्तरीय ११७ दलै: स्थलीय–पर्यवेक्षणं कृतम्। निरीक्षणकाले प्रकाशमानानां महत्त्वपूर्ण–विषयाणां समाधानाय गम्भीरतया कार्यं प्रचलति—इति अपि सूचितम्।

हिन्दुस्थान समाचार / अंशु गुप्ता