पलवलनगरम्, २७ फरवरीमासः (हि.स.)। श्रीविश्वकर्मा–कौशल–विश्वविद्यालये फरीदाबाद–प्रबन्धन–संघस्य सहयोगेन राष्ट्रिय–प्रबन्धन–दिवसः आयोजितः। “कौशलः, रणनिति: सु–नेतृत्वम्” इत्यस्य विषये आयोजिते कार्यक्रमे कुलगुरो: प्रो.दिनेश–कुमारस्य उपस्थितौ विशेषज्ञा: परिवर्तते युगे प्रबन्धनस्य भूमिका इति विषयकीं विस्तृतां चर्चां कृतवन्तः।

कुलगुरुः प्रो.दिनेश–कुमारः शुक्रवासरे कार्यक्रमं सम्बोधित्य उक्तवान् यत् प्रबन्धनं केवलं आजीविकापर्यन्तं सीमितं नास्ति, अपितु जीवनं व्यवस्थितं सफलं च कर्तुं कला अपि अस्ति। ते छात्रेभ्यः वैश्विक–माङ्गल्यानुरूपं उद्योगोन्मुख–कौशलं विकसितुं तथा नवीन–प्रविधिभिः सह आत्मानं सज्जीकर्तुं संदेशं दत्तवन्तः। ते अपि उक्तवन्तः यत् प्रबन्धन–क्षेत्रे रोजगारस्य अपाराः संभावनाः सन्ति।

प्रबन्धन–संकायस्य अधिष्ठाता प्रो.एस.के.सिन्हा स्वागत–भाषणे उक्तवान् यत् भावी–प्रबन्धकानाम् आवश्यकता अस्ति यत् ते तांत्रिक–दक्षता–सहितं भावनात्मक–बुद्धिमत्ता च नैतिक–मूल्यानि च स्वीकर्तुं शक्नुयुः। तथा च फरीदाबाद–प्रबन्धन–संघस्य अध्यक्षा सलोनी–कौल उक्तवती यत् प्रविधेः मानवीय–संवेदनशीलताया: च संतुलनेन एव उत्कृष्ट–नेतृत्वं सम्भवति।

कार्यक्रमे कृत्रिम–बुद्धिमत्तायाः युगे मानवीय–कौशल:, मानव–संसाधनेषु प्रविधेः उपयोगः, श्रम–विधिनां प्रासङ्गिकता, कार्यस्थले सहानुभूतिः च इत्यादिषु विषयेषु विशेषज्ञैः महत्वपूर्णा सूचना प्रदत्ता। विषय–चर्चायाम् योगेश–सोनी, सलोनी–कौल, रविन्द्र–सिंह: तथा हीना–सिंह: छात्रेभ्यः प्रश्नानां उत्तराणि दत्त्वा मार्गदर्शनं कृतवन्तः।

अस्मिन् अवसरे सर्व–हैप्पिनेस–संस्थानस्य संस्थापकः तथा कर्मवीर–चक्र–पुरस्कार–सन्मानितः नितिन–टेलर: विशेष–व्याख्यानं दत्त्वा उक्तवान् यत् सामाजिक–उद्यमिता राष्ट्र–निर्माणस्य प्रभावी–मार्गः अस्ति। ते छात्रेभ्यः जीवनस्य उद्देश्यं अवगन्तुं तथा समाजाय कार्यं कर्तुं प्रेरणाम् अपि प्रदत्तवन्तः।

हिन्दुस्थान समाचार / अंशु गुप्ता