हैदराबादनगरम्, २७ फरवरीमासः (हि.स.)। तेलङ्गाना–जागृति–संस्थायाः अध्यक्षा तथा पूर्व-सांसद् के.कविता शुक्रवासरे अवदत् यत् अस्य देशस्य न्यायपालिकायां पूर्णः विश्वासः अस्ति। एतद् वक्तव्यं तदा दत्तम्, यदा दिल्ली–नगरस्थेन न्यायालयेन कथिते दिल्ली–मद्यनीति–वंचना–प्रकरणे तां निर्दोषां घोषितम्।

आबकारी–नीत्या सम्बद्धे अस्मिन् बहुचर्चिते प्रकरणे, तेलङ्गानायाः पूर्वमुख्यमन्त्रिणः के.चन्द्रशेखररावस्य (केसीआर) दुहितृत्वेन आरोपान् सम्मुखीकुर्वन्ती कविता, न्यायालयात् प्राप्तां शिथिलतां स्वागतं कृत्वा “सत्यमेव जयते” इति अवदत्।

माध्यमैः सह संवादे कविता अवदत् यत् सम्पूर्णं प्रकरणं राजनैतिक–प्रतिशोधेन प्रेरितं षड्यन्त्रम् आसीत्, येन तां वंचयितुं प्रयत्नः कृतः। आरम्भात् एव सा तेलङ्गानायाः जनान् प्रति आश्वस्तवती यत् सत्यस्य एव जयः भविष्यति, सा च निर्दोषा सिद्धा भविष्यति।

कविता उवाच— “अहं निरन्तरं उक्तवती यत् अहं धौतमणिरिव बहिः निष्कास्यामि; अद्य च सत्यं प्रकटितम्। अस्य प्रकरणस्य कारणेन मम तथा मम कुटुम्बस्य अपि कतिपयान् मासान् यावत् मानसिक–पीडा अनुभूता।”

सा आरोपयत् यत् विपक्षीय–नेतॄणां पीडनाय अन्वेषण–संस्थानां दुरुपयोगः कृतः, तथा च न्यायालयीय–निर्णयात् पूर्वमेव तस्याः विरुद्धं मिथ्या–धारणाः निर्मिताः।

न्यायालयीय–निर्णयानन्तरं कविता सामाजिक–माध्यम–मञ्चे ‘एक्स’ इत्यत्र अपि “सत्यमेव जयते” इति लिखित्वा स्व–प्रतिक्रियां प्रकटयत्। कठिन–काले सहायतां कृतवतां समर्थकानां तथा शुभचिन्तकान् प्रति कृतज्ञतां व्यक्तीकृत्य सा अवदत् यत् अधुना पूर्वापेक्षया अधिकया ऊर्जया जनसेवां करिष्यति।

उल्लेखनीयम् यत् दिल्ली–मद्यनीति–प्रकरणे न्यायालयेन पूर्वमुख्यमन्त्री अरविंदकेजरीवाल:, पूर्व–उपमुख्यमन्त्री मनीष: सिसोदिया इत्यादिभिः सह त्रयोविंशतिः आरोपिताः निर्दोषाः घोषिताः, येषु के.कविता अपि अन्तर्भवति।

अस्मिन् प्रकरणे के.कविता १५ मार्चमासे २०२४ तमे दिने हैदराबाद–स्थितात् स्व–आवासात् गृहीता आसीत्, तथा च प्रायः पञ्च–मासान्—अर्थात् १६५ दिनानि—कारागारे स्थितवती। सा अस्मिन् प्रकरणे कारागारं गता एकैव महिला–आरोपिता आसीत्।

पूर्वं भारत–राष्ट्र–समिति (बीआरएस)–संस्थया सम्बद्धा सती के.कविता, अधुना तेलङ्गाना–जागृत्या माध्यमेन राज्य–राजनीत्यां सक्रियां भूमिकां वहन्ती अस्ति; एतस्मिन् एव काले सा शिथिलतां प्राप्तवती।

हिन्दुस्थान समाचार / अंशु गुप्ता