Enter your Email Address to subscribe to our newsletters
सुपौलनगरम्, २७ फरवरीमासः (हि.स.)। फाल्गुनस्य आगमन–सूचनया सह नगरस्य विपणिषु उल्लास–रङ्गः क्रमशः आरोहति। अस्मिन् पर्याये होलिका केवलं रङ्गाणां उत्सवः न, अपि तु स्वदेशी–कौशलस्य अपि सजीवं दर्शनं प्रस्तौति। प्रधानमन्त्रीणः नरेन्द्रमोदी–महाभागस्य ‘मेक इन इंडिया’ तथा ‘वोकल फॉर लोकल’ इति आह्वानस्य प्रभावः स्थानीय–विपणिषु स्पष्टतया दृश्यते। ग्राहकाः स्वदेशी–वस्त्राणि प्राधान्येन स्वीकरोति।परम्परया होली–उत्सवे श्वेत–कंचुक–पादयाम:, धोती–कंचुकं तथा सूत्र–साटिकाधारणस्य आचारः प्रचलितः, सः अद्यापि अक्षुण्णः। तथापि ग्रामेषु अपि यूनां मध्ये नगरानुरूपे शैलीमन्तः तथा डिजाइनर–वस्त्राणि प्रति आकर्षणं वर्धते। अस्मिन् पर्याये विपण्यां पारम्परिक–परिधानैः सह होली–थीम–मुद्रित–कंचुकी, डिजाइनर–कंचुक: तथा इण्डो–वेस्टर्न–परिधानानि अपि अधिकां याचनां प्राप्नुवन्ति।
आपणेषु लिनन्, नवीन–श्रेण्याः कुर्तिकाः, डिजाइनर–सूट्, सेमी–गरारा–रूप–सूट्, मैक्सी–गाउन, नेट्, शिफ़ॉन तथा जॉर्जेट्–इत्येतानि वस्त्राणि सुसज्जितानि दृश्यन्ते। युवतिषु सलमा–सितारा–जटित–कुर्तिकाः तथा प्लाजो प्रियतमाः जाताः, यूनां मध्ये तु खादी–जैकेट् तथा कुर्ता–पादयाम–वस्त्रेषु विशेषः उत्साहः दृश्यते।
शनिचर–विपण्यां क्रयणं कुर्वत्यौ प्रियङ्का तथा सीमा–कुमारी अवदताम् यत् ताभ्यां षट्शतं रूप्यकाणि मूल्ये सूत्र–साटिका क्रीता। मुख्य–मार्गे क्रयणं कुर्वन् प्रियांशु–कुमारः अवदत्—होली–क्रीडायै द्विशत–दश–रूप्यक–मूल्यौ मुद्रित–कंचुकी, सायं च षट्शत–रूप्यक–मूल्यं डिजाइनर–श्वेत–कंचुक–पादयाम: स्वीकृत:।
व्यवसायी गोपालः अवदत् यत् पाषाण–कार्यं तथा जरदौसी–कर्म–युक्ताः डिजाइनर–कुर्तिकाः महिलानां प्रथम–पसन्दः, यासां मूल्यं सहस्र–रूप्यकादधिकम् अस्ति। अल्प–मूल्येषु अपि आकर्षकाः साटिका: तथा लखनवी–कंचुका: ग्राहकेभ्यः रुचिं जनयन्ति।
रेडीमेड–आपणेषु २५० तः २५०० रूप्यक–पर्यन्तं जीन्स-उपलब्धाः, गाउन–फ्रॉक् तु २००० रूप्यकात् आरभ्यन्ते। यूनां मध्ये कंचुक–पादयाम–वस्त्राणां याचना अपि बहुला। यद्यपि माहर्गस्य प्रभावः वस्त्र–मूल्येषु दृश्यते, तथापि उत्सव–उमङ्गस्य पुरतः वित्त–चिन्ता न्यूनीभूता इव दृश्यते। समग्रतः, अस्मिन् पर्याये होलिकायां ग्रामेषु पारम्परिक–परिधानानि तथा नगरेषु स्वदेशी–सौन्दर्य–रसः इति उभयोरपि सुस्पष्टं दर्शनं भविष्यति।
हिन्दुस्थान समाचार / अंशु गुप्ता