नवदिल्ली, २८ फरवरीमासः (हि.स.)। महिला–सशक्तीकरणं राष्ट्र–विकासे च स्त्रीणां भूमिकां रेखाङ्कयितुं दिल्लीनगरे विज्ञान–भवने ७–८ मार्चमासयोः द्विदिवसीयं राष्ट्रीय–महिला–विचारक–सम्मेलनं ‘भारती’ नाम्ना आयोजयिष्यते। एतत् विवरणं राष्ट्र–सेविका–समिति, शरण्या तथा भारतीय–विद्वत्–परिषदः पदाधिकारिभिः कस्तूरबा–गान्धी–मार्गस्थिते सिविल–सेवा–अधिकारी–संस्थाने आयोजिते संवाददाता–सम्मेलने दत्तम्।

अस्य सम्मेलनस्य उद्घाटनं दिल्ली–मुख्यमन्त्रिण्या रेखा–गुप्तया क्रियते, समापनं च राष्ट्रपतिः द्रौपदी–मुर्मु-महोदयाया: उपस्थितौ भविष्यति। भारतीय–विद्वत्–परिषद्, राष्ट्र–सेविका–समिति तथा शरण्या—एते त्रयः संस्थाः संयुक्तरूपेण अस्य आयोजनं कुर्वन्ति। “भारती—नारीतः नारायणी” इति विषयं केन्द्रीकृत्य कार्यक्रमः आयोज्यते। अस्य मुख्योद्देश्यं विविध–क्षेत्रेषु कार्यरताः प्रबुद्धाः स्त्रियः एकस्मिन् मञ्चे सम्मानीय ‘विकसित–भारत–२०४७’ इति संकल्पस्य साकारतायां तासां योगदानं विषये विमर्शं कर्तुम्।

सम्मेलने अष्टौ प्रमुखाः विषयाः गहनतया चर्च्यन्ते—विद्या, आत्मनिर्भरता, मुक्ति, चेतना, प्रकृतिः, संस्कृतिः, सिद्धिः तथा कृतिः। मुख्य–सत्राणि, विशेषज्ञ–चर्चाः, विशेषज्ञ–शिक्षण–सत्राणि, पोस्टर–प्रदर्शिनी, कलात्मक–प्रस्तुतयः च कार्यक्रमस्य अङ्गानि भविष्यन्ति।

राष्ट्र–सेविका–समितेः प्रमुखा कार्यवाहिका सीता–गायत्री अवदत् यत् यत्र विश्वे स्त्री–पुरुषौ प्रतिस्पर्धिनौ इव दृश्येते, तत्र भारतदेशे तौ परस्पर–पूरकौ मन्येते। अद्य आवश्यकता अस्ति यत् भारतीयाः महिलाः ‘मातृत्व’ तथा ‘कर्तृत्व’ गुणैः सह ‘नेतृत्व’ गुणं अपि विस्तारयन्तु। अस्य कार्यक्रमस्य ध्येयम् विविध–क्षेत्रेषु स्त्रीणां एकत्रीकरणं कृत्वा समाजस्य नव–निर्माणे तासां नेतृत्वाय मञ्चं प्रदातुम्।

भारतीय–विद्वत्–परिषदः सचिवः प्रो.शिवानी–वी अवदत् यत् महिलानां विकास–शिक्षयोः सन्दर्भे अष्ट विशेष–विषयाः चयनिताः सन्ति। अस्मिन् विमर्शे विधि, शिक्षा, पत्रकारिता, प्रशासनम् इत्यादिषु क्षेत्रेषु अग्रगण्य: स्त्रियः भागं ग्रहीष्यन्ति। उद्देश्यः केवलं चर्चा न, अपि तु ठोस–सुझावानां नवीन–विचाराणां च कार्यान्वयनम्। राष्ट्रपतिः द्रौपदी–मुर्मु: कार्यक्रमे आगन्तुं स्वीकृतिं दत्तवती इति अपि सूचितम्।

सम्मेलने देशस्य सर्वतः प्रायः १५०० महिला–विचारकाः सहभागं करिष्यन्ति। २०० अधिकाः विशेषज्ञाः स्त्रियः मुख्य–वक्तारः ‘चिन्तकाः’ च रूपेण विशेषतया आमन्त्रिताः। महिला–सांसदाः, विश्वविद्यालयानां महिला–कुलपतयः, आध्यात्मिक–गुरवः च कृते पृथक् सत्राणि अपि आयोजितानि सन्ति।

राष्ट्र–सेविका–समितेः दिल्ली–प्रान्तस्य प्रचार–प्रमुखा डॉ.रचना–वाजपेयी अवदत् यत् सम्मेलनस्य केन्द्रबिन्दुः केवलं ‘महिला–सशक्तीकरणम्’ न, अपि तु ‘महिला–नेतृत्वेन प्रगतिः’ इति। विभिन्न–क्षेत्र–प्रदेश–वंशैभ्यः स्त्रियः एकत्र समानीय भविष्यत्–भारतस्य विकासे निर्णायकं योगदानं साधयितुं प्रयत्नः क्रियते।

ग्रामीण–क्षेत्रात् आगतासु स्त्रीषु दिल्ली–भ्रमण–विषये प्रश्ने उत्तरं दत्त्वा सा अवदत् यत् भ्रमणात् अपि चेतनायाः जागरणम् अधिकं महत्त्वपूर्णम्। परस्पर–मेलनात् एव आयोजनस्य गूढ–उद्देश्यस्य अनुभूतिर्भविष्यति।

के.के.एस.यू.–संस्थायाः मीडिया–प्रमुखा डॉ.रेणुका–बोकरे अवदत् यत् एतत् आयोजनं केवलं सम्मेलनं न, अपि तु भविष्ये महिला–सशक्तीकरणस्य विशालस्य ‘वटवृक्षस्य’ बीजम् इव अस्ति। ‘सक्षम–नारी, समृद्ध–भारत’ इति प्रधानमन्त्रिणः स्वप्नं साकारयितुं एषा परिषद् प्रवर्तिता, यत् महिलानां ‘मौन–शक्तिं’ ‘रणनीतिक–बलम्’ रूपेण परिवर्तयितुं प्रयत्नं करोति।

सम्मेलने चत्वारः विशेष–विशेषज्ञा: अपि भविष्यन्ति—महिला–सांसदानां राष्ट्रीय–विशेषज्ञा: ‘पञ्च–परिवर्तनम्’ विषयम् अवलम्ब्य विमर्शं करिष्यति; महिला–कुलपतिनां पृथक् समूह:; ‘साध्वी–संगम’ समूह: योग–धर्म–अध्यात्म–सङ्गमं विषये चिन्तनं करिष्यति।

सम्मेलनस्य मुख्य–संरक्षिका राष्ट्र–सेविका–समितेः अध्यक्षा वी.शान्ता–कुमारी (शान्तक्का), साध्वी ऋतम्बरा, शिक्षामन्त्री धर्मेन्द्र–प्रधानः, केन्द्रीय–महिला–बाल–विकास–मन्त्री अन्नपूर्णा–देवी, केन्द्रीय–परमाणु–ऊर्जा–अन्तरिक्ष–राज्यमन्त्री जितेन्द्र–सिंहः इत्यादयः अन्ये च गणमान्याः उपस्थिताः भविष्यन्ति।

अन्ते शिक्षायाः, रक्षायाः, विज्ञानस्य, साहित्यस्य, न्यायपालिकायाः च क्षेत्रेभ्यः विशेषज्ञाः आमन्त्रिताः सन्ति। सम्मेलनान्ते केन्द्र–सर्वकाराय महत्वपूर्णाः नीतिगत–विषया: समर्पयिष्यन्ते तथा महिला–विचारकानां राष्ट्रीय–जालम् निर्मीयते, येन महिला–नेतृत्वस्य एषा अभियानः प्रतिवर्षं निरन्तरं प्रवर्तेत। अस्य पञ्जीकरणस्य अन्तिम–तिथिः २८ फरवरीमासः अस्ति।

हिन्दुस्थान समाचार / अंशु गुप्ता