Enter your Email Address to subscribe to our newsletters
- समूहानां द्वारा सज्जिताः प्राकृतिकवर्णाः, वस्त्राणि, पक्वव्यंजनैः होलिकया च संबंधिताः अन्याः सामग्र्यः उपलप्स्यन्ते
भोपालम्, 28 फरवरीमासः (हि.स.)।
मध्यप्रदेशस्य राजधानी भोपाल-नगरे होलिकोत्सवस्य अवसर उपलक्ष्य अद्य शनिवासरात् भोपाल हाट नाम्नि स्थले द्विदिवसीयः विशेषः होली-मेलः आयोज्यते। पञ्चायत-ग्रामीण-विकास-राज्यमन्त्री राधा सिंह प्रातः १० वादने अस्य मेलापकस्य उद्घाटनं करिष्यति।
मध्यप्रदेश-राज्य-ग्रामीण-आजीविका-मिशनेन आयोजिते अस्मिन् मेले होलिकोत्सवसम्बद्धाः विशेष-उत्पादाः विभिन्न-जिल्लाभ्यः ग्रामीण-प्रदेशेभ्यः आगताभिः समूह-दीदिभिः प्रस्तुताः सन्ति। मेला प्रतिदिनं प्रातः ११ वादनात् रात्रौ ९ वादनपर्यन्तं उद्घाटितः भविष्यति। अतिरिक्ततया भोपाल-हाट-स्थिते आजीविका-मार्टे २१ फरवरी-दिनाङ्कात् होली-सम्बद्ध-सामग्री विशेषतया उपलब्धा अस्ति।
मध्यप्रदेश-राज्य-ग्रामीण-आजीविका-मिशनस्य मुख्य-कार्यपालन-अधिकारिणी हर्षिका सिंह उक्तवती यत् प्रकृतेः पर्यावरणस्य च हितं दृष्ट्वा अस्मिन् वर्षे होलिकोत्सवे विशेषतया प्राकृतिक-वर्णाः पूजन-सामग्री गौ-काष्ठ-उत्पादाः मिष्टान्नानि नमकीनानि घृतम् वस्त्राणि अन्ये च उत्पादाः स्व-सहायता-समूह-भगिनिभिः निर्मिताः सन्ति। समूह-उत्पादैः निर्मितः विशेषः होली-हेम्परः २५ फरवरी-दिने मुख्यमन्त्रिणा स्व-सहायता-समूहानां विपणन-क्षमता-वर्धन-कार्यशालायां विमोचितः।
तया उक्तं यत् स्व-सहायता-समूह-उत्पादानां विक्रय-प्रदर्शनार्थं तथा च सदस्याणां आय-वृद्धये मिशनेन निरन्तरं प्रयासाः क्रियन्ते। अस्याः होलिकोत्सवे प्राकृतिक-वर्णैः माधुर्येण उमङ्गेन च उत्सवः आचरितुं आजीविका-भगिन्यः विशेष-तयारीं कृतवन्त्यः।
समूहैः निर्मिताः वस्तवः विभिन्न-जिल्हेषु स्थितेषु आजीविका-रूरल-मार्टेषु तथा च जिल्हा-स्तरीय-होली-मेलासु अपि उपलब्धाः भविष्यन्ति। मेलापके प्रदेशस्य विविध-अञ्चलानां लोकप्रिय-क्षेत्रीय-व्यञ्जनानां स्वादः अपि आस्वादनीयः भविष्यति। विशेषतः इन्दौरी-पोहा-जलेबी मुरैना-प्रदेशस्य बेड़ई-सब्जी चाश्नी-गुजिया जबलपुरस्य मगज-गुजिया रीवा-प्रदेशस्य मावा-गुजिया रतलामस्य नमकीन-सेव इन्दौरस्य ठण्डाई च उपलब्धा भविष्यति। प्रतिदिनं सांस्कृतिक-कार्यक्रमाः अपि प्रस्तुताः भविष्यन्ति।
होली-हेम्पर-विशेषावलोकनम्
प्रकृतेः पर्यावरणस्य च हितं विचार्य अस्मिन् वर्षे होलिकोत्सवे प्राकृतिक-वर्णाः पूजन-सामग्री गौ-काष्ठ-उत्पादाः यथा गुलेरी गोबर-निर्मित-गणेश-प्रतिमा धूपबत्त्यः विभिन्न-प्रकार-मिष्टान्नानि गुजिया नमकीन ठण्डाई वस्त्राणि अन्ये च उत्पादाः समूह-भगिनिभिः निर्मिताः। एते सर्वे आकर्षके होली-हेम्परे संयोजिताः सन्ति।
---------------
हिन्दुस्थान समाचार