Enter your Email Address to subscribe to our newsletters
नवदिल्ली, 28 फरवरीमासः (हि.स.)।
प्रधानमन्त्री नरेन्द्र मोदी अद्य श्वः च गुजरात, राजस्थान, तमिलनाडु तथा पुड्डुचेरी इत्येषां प्रदेशानां भ्रमणं करिष्यति। अस्मिन् प्रवासे सः त्रयोविंशतिसहस्रकोटिरूप्यकाधिकमूल्यानां विकासपरियोजनानां उद्घाटनं शिलान्यासं च करिष्यति। अस्य यात्रायाः मुख्याकर्षणं देशस्य प्रथमं स्वदेशीयं सेमीकण्डक्टर-चिप-उत्पादनं बालिकानां कृते राष्ट्रव्यापी टीकाकरण-अभियानस्य च शुभारम्भः भविष्यति। एषा सूचना आधिकारिकविज्ञप्तौ प्रदत्ता अस्ति।
आधिकारिकविज्ञप्तेः अनुसारं प्रधानमन्त्री मोदी २८ फेब्रुवरी तिथौ प्रातः ११:३० वादने अजमेर नगरे षोडशसहस्रषट्शताशीति-कोटिरूप्यकपरिमितानां परियोजनानां लोकार्पणं करिष्यति। सः चतुर्दशवर्षीयबालिकानां कृते गर्भाशयग्रीवाकर्कटरोगनिवारणाय राष्ट्रव्यापी एचपीवी-टीकाकरण-अभियानस्य शुभारम्भं करिष्यति। सरकारीविभागेषु नवनियुक्तानां एकविंशतिसहस्राष्टशतयुवानां नियुक्तिपत्राणि वितरिष्यन्ति। अस्य अवसरस्य मध्ये दिल्ली-वडोदरा-त्वरितमार्गस्य अमृतसर-जामनगर-आर्थिक-मार्गस्य च सम्बद्धानां विविधयोजनानां उद्घाटनं भविष्यति।
अनन्तरं अपराह्णे ३:४५ वादने प्रधानमन्त्री मोदी सानंद नगरे माइक्रोन टेक्नोलॉजी इत्यस्य सेमीकण्डक्टर-असेंबली-परीक्षण-पैकेजिंग (एटीएमपी) केन्द्रस्य उद्घाटनं करिष्यति। एषा परियोजना भारतस्य सेमीकण्डक्टर-मिशनस्य अन्तर्गतं अनुमोदिता प्रथमपरियोजना अस्ति। अस्मात् केन्द्रात् देशे निर्मितस्य प्रथमस्य सेमीकण्डक्टर-स्मृति-मॉड्यूलस्य वाणिज्य-उत्पादनं प्रेषणं च आरभ्यते। द्वाविंशतिसहस्रपञ्चशत-कोटिरूप्यकाधिकनिवेशयुक्तायां अस्यां निर्माणशालायां विश्वस्य विशालतमः ‘क्लीनरूम्’ क्षेत्रः निर्मितः अस्ति।
शनिवारस्य रात्रौ प्रायः ९ वादने प्रधानमन्त्री मोदी चेन्नई नगरं प्राप्स्यति। अनन्तरं प्रथम-मार्च-तिथौ प्रातः ११:४५ वादने पुड्डुचेरी मध्ये २,७००-कोटिरूप्यकपरिमितानां आधारभूत-संरचना-शिक्षा-आरोग्यसेवा-सम्बद्धानां विविधपरियोजनानां उद्घाटनं शिलान्यासं च करिष्यति। मदुरै नगरे ४,४००-कोटिरूप्यकपरिमितानां आधारभूतसंरचनापरियोजनानां लोकार्पणं कृत्वा जनसभां सम्बोधयिष्यति।
अस्मिन् प्रवासे प्रधानमन्त्री एनएच-३३२ए मार्गस्य मरक्कनम्–पुडुचेरी-खण्डस्य एनएच-८७ मार्गस्य परमकुडी–रामनाथपुरम्-खण्डस्य च चतुर्लेन-निर्माणस्य आधारशिलां स्थापयिष्यति। तमिलनाडुराज्ये अष्ट पुनर्विकसित-रेलस्थानकानां उद्घाटनं करिष्यति। सायं ४ वादने प्रधानमन्त्री अरुलमिगु सुब्रमण्यस्वामी मंदिर इत्यत्र पूजां करिष्यति।
---------------
हिन्दुस्थान समाचार