Enter your Email Address to subscribe to our newsletters
कोलकाता, 28 फरवरीमासः(हि.स.)। तृणमूल कांग्रेस दलः प्रख्याताम् अधिवक्त्रीम् मेनका गुरुस्वामी राज्यसभायै अभ्यर्थिनीं घोषितवान्। यदि सा निर्वाचिता भविष्यति तर्हि सा देशस्य प्रथमा समलैङ्गिका सांसद् भविष्यति इति इतिहासं रचयितुं शक्नोति।
मेनका गुरुस्वामी प्रतिष्ठित-शिक्षण-संस्थानेषु शिक्षिता अस्ति। सा राष्ट्रीय विधि विद्यालय, हार्वर्ड विश्वविद्यालय तथा ऑक्सफोर्ड विश्वविद्यालय इत्यादिषु अग्रणी-संस्थानेषु अध्ययनं कृतवती। विधि-क्षेत्रे तस्याः दीर्घम् प्रभावशाली च अनुभवः अस्ति; सा उच्चतम-न्यायालये बहुषु महत्त्वपूर्णेषु प्रकरणेषु प्रभावपूर्णां पैरवीं कृतवती।
तस्याः पिता मोहन गुरुस्वामी भारतीय जनता पार्टी दलस्य पूर्व-रणनीतिकारः आसीत्। अटल बिहारी वाजपेयी नेतृत्वे स्थितायां सरकारे तेन तत्कालीन-केंद्रीय-वित्तमन्त्रिणः यशवंत सिन्हा विशेष-सलाहकाररूपेण अपि कार्यं कृतम्। तथापि पारिवारिक-राजनीतिक-पृष्ठभूमेः पृथक् सा स्व-व्यावसायिक-जीवने स्वातन्त्र्येण स्व-परिचयं निर्मितवती।
सा छत्तीसगढ़-राज्ये माओवादी-विरोधी-अभियानस्य सलवा जुडूम विरुद्धं विधिक-संघर्षं कृतवती। मणिपुर-प्रदेशे सेनायाः उपरि आरोपित-हत्या-प्रकरणेषु सा न्यायालयस्य-मित्ररूपेण दायित्वं निर्वाहितवती। अगस्ता वेस्टलैंड वीवीआईपी हेलीकॉप्टर मामला प्रकरणे आरोपितस्य पूर्व-वायुसेना-प्रमुखस्य एसपी त्यागी पक्षे अपि सा पैरवीं कृतवती।
वर्षे २०१८ तमे भारतीय दंड संहिता की धारा 377 निरसन-सम्बद्धे ऐतिहासिके प्रकरणे सा समलैङ्गिक-समुदायस्य अधिकार-रक्षणार्थं उच्चतम-न्यायालये दृढतया पक्षं स्थापितवती। अस्य निर्णयस्य अनन्तरं देशे समलैङ्गिकता अपराध-श्रेण्याः बहिः स्थापिताऽभवत्। एतत् ऐतिहासिकं निर्णयं सा वैयक्तिक-सामाजिक-विजयरूपेण अभवत् इति उक्तवती।
अद्यतनकाले सा तृणमूल कांग्रेस दलस्य पक्षतः दायरिते प्रकरणे ममता बनर्जी पक्षं न्यायालये प्रस्तुतवती; तस्य श्रवणकाले तस्याः तीक्ष्ण-तर्काः बहु चर्चिताः आसन्।
मेनका गुरुस्वामी दीर्घकालात् समलैङ्गिक-अधिकार-आन्दोलने संलग्ना अस्ति। तस्याः जीवनसङ्गिनी अरुंधती काटजू अस्ति; उभे अपि वर्षे २०१९ तमे सार्वजनिकतया स्व-संबन्धस्य घोषणा कृतवन्त्यौ।
अधुना राज्यसभायै तस्याः अभ्यर्थित्वं भारतीय-राजनीतौ ऐतिहासिक-पदम् इति मन्यते। निर्वाचिता चेत् सा देशस्य प्रथमा समलैङ्गिका सांसद् भूत्वा इतिहासं रचयितुं शक्नोति।-----------------
हिन्दुस्थान समाचार