चित्रकूटः (उत्तर प्रदेशः), 01 मार्चयासः (हि.स.)।

देशस्य प्रतिष्ठितनागरिकसम्मानः पद्मश्री इति अलंकारेण सम्मानितः प्रख्यातः नेत्रचिकित्सकः तथा रायपुरस्थितस्य अखिलभारतीयआयुर्विज्ञानसंस्थानस्य अध्यक्षः डॉ बीके जैनः बुधेन्द्रकुमार जैनः च अद्य मध्याह्ने पंचतत्त्वे विलीनः अभवत्। सः श्री सदगुरु सेवा संघ चित्रकूटस्य निदेशकः समितेश्च आसीत्।

तस्य मुखाग्निं पुत्रेण डॉ इलेश जैन इत्यनेन प्रदत्ता। अस्मिन् प्रसङ्गे सर्वोदयकार्यकर्ता अभिमन्यु भाई रामभद्राचार्यस्य शिष्यः जय मिश्रा डॉ जोगन पुत्रा डॉ वी अग्रवाल डॉ आरके गौड समाजसेवी हीरा सिंह ग्रामोदयविश्वविद्यालयस्य मुन्ना सिंह भागवताचार्य नीलेश दीक्षित दीनदयालशोधसंस्थानस्य पदाधिकारी बसंत पंडित च उपस्थिताः आसन्। अस्मिन् अवसरे सहस्रशः जनाः अपि समागताः।

राष्ट्रपतिः द्रौपदी मुर्मु इत्यनया मई मासे 2025 तमे वर्षे तस्मै पद्मश्री सम्मानः प्रदत्तः आसीत्।

श्री सदगुरु सेवा संघ ट्रस्ट इत्यनेन प्रकाशिते वक्तव्ये अत्यन्तदुःखेन गम्भीरशोकेन च पद्मश्री डॉ वीके जैनस्य निधनस्य विषये शोकप्रकाशनं कृतम्। वक्तव्ये उक्तं यत् सः प्रख्यातः नेत्रविशेषज्ञः संवेदनशीलः समाजसुधारकः अस्माकं आदरणीयः ट्रस्टी निदेशकः च आसीत्। पञ्चाशदधिकवर्षपर्यन्तं चित्रकूटतपोभूमौ तेन निष्ठया तपस्विव्रतेन च सेवा कृता या लक्षशः जनान् केवलं दृष्टिं न दत्तवती अपि तु नूतनजीवनाशां आत्मविश्वासं च प्रदत्तवती। तस्य अथकपरिश्रमः दूरदर्शी नेतृत्वं च भारतस्य प्रमुखेषु नेत्रचिकित्सासंस्थानेषु एकस्य संस्थापनाय निरन्तरविकासाय च अमूल्यं योगदानं दत्तवान्। तस्य करुणा सेवाभावः मानवीयसंवेदनाश्च सर्वदा प्रेरणास्रोतः भविष्यन्ति। ईश्वरं प्रति प्रार्थना कृता यत् दिवंगतपुण्यात्मने शाश्वतशान्तिः प्रदीयताम्।

परिजनाः अवदन् यत् डॉ जैनो गतकियत्मासान् यावत् अस्वस्थः आसीत्। तस्य उपचारः मुंबई नगरे प्रचलितः आसीत्। चिकित्सकानां कथनानुसारं वेंटिलेटरयन्त्रात् अपसारितस्य अनन्तरं शुक्रवासरे सायं 4 वादनस्य 24 निमिषे सः अन्तिमं श्वासं त्यक्तवान्।

डॉ जैनस्य जन्म 05 दिसम्बर 1948 तमे दिने महाराष्ट्रराज्ये अभवत्। वर्षे 1970 तमे सः चित्रकूटम् आगत्य स्वामी रणछोड़दास महाराजस्य सान्निध्ये स्थित्वा नेत्रचिकित्सासेवायां पूर्णतया समर्पितः अभवत्। अद्य तस्य पार्थिवशरीरं पंचतत्त्वे विलीनं जातम्।

---------------

हिन्दुस्थान समाचार