Enter your Email Address to subscribe to our newsletters
कूचबिहारः,1 मार्चमासः (हि.स)। कूचबिहारस्य ऐतिहासिके रासमेलाक्रीडांगणे रविवासरे भारतीयजनतादलस्य महासार्वजनिकसभा आयोजिता भविष्यति। अस्मिन्नेव मञ्चे उत्तरबङ्गाले भाजपा-परिवर्तन-संकल्प-यात्रायाः औपचारिकः शुभारम्भः भविष्यति। सभायाः मुख्याकर्षणरूपेण भाजपा-राष्ट्रीयाध्यक्षः नितिननवीन उपस्थितः भविष्यति। निर्धारितकार्यक्रमानुसारं सः अपराह्णे प्रायः द्विवादनार्धसमये हेलीकॉप्टरयाननेन कूचबिहार-विमानक्षेत्रं प्राप्स्यति, ततः सीधैव रासमेलामैदानं गत्वा जनसभायां सहभागित्वा यात्रायाः आरम्भं करिष्यति।
कार्यक्रमे विशेषाकर्षणरूपेण सुसज्जितं मुख्य-टैब्लो-रथं निर्मितम् अस्ति, यत् यात्रायाः नेतृत्वं करिष्यति। तदतिरिक्तम् अष्ट लघु-प्रचार-टैब्लोयानानि तथा द्विचक्रयान-रैली अपि अस्याः संकल्पयात्रायाः अङ्गानि भविष्यन्ति। यात्रारम्भात् पूर्वं भाजपा-जिलानायकैः पूजार्चना क्रियते।
प्रथमदिने रासमेलामैदानात् गूंजबाड़ीपर्यन्तं यात्रा निर्गमिष्यति। ततः दोलोत्सवस्य कारणात् कतिपयानि दिनानि विरामः भविष्यति, पञ्चमे मार्च दिनाङ्के पुनः यात्रा आरभ्यते। तस्मिन् दिने खागड़ाबाड़ीमार्गेण शीतलकुचीप्राप्त्या सभा आयोजिता भविष्यति, अनन्तरं माथाभाङ्गामार्गेण कूचबिहारं प्रत्यागमनं भविष्यति। षष्ठे मार्च दिने घुघुमारी जिरानपुर बलरामपुर तूफानगंजमार्गेण यात्रा अलीपुरद्वारं प्रवेक्ष्यति। पूर्वनिर्धारितकार्यक्रमानुसारं एषा यात्रा दिनहाटा सिताई च न गमिष्यति।
अस्मिन् उच्चस्तरीयकार्यक्रमे राजनैतिकपरिसरः अपि उष्णः जातः अस्ति। भाजपा-नेतारः आशङ्कां व्यक्तवन्तः यत् ग्रामेभ्यः आगच्छन्तः कार्यकर्तारः सत्तारूढ-तृणमूल-दलस्य जनैः आक्रमिताः भवितुं शक्नुवन्ति। दलस्य जिलाध्यक्षः अभिजीतवर्मा चेतावनीं दत्त्वा उक्तवान् यत् यदि आक्रमणं भविष्यति तर्हि प्रत्युत्तरं दास्यते। तेन आरोपितं यत् प्रशासनात् अपेक्षितसहयोगाभावात् दलं उच्चन्यायालयस्य अनुमतिं गृहीत्वैव सभां कर्तुं बाध्यं जातम्।
सभायाः निमित्तं रासमेलामैदाने तथा समीपवर्तीषु क्षेत्रेषु कडिनी सुरक्षा-व्यवस्था कृता अस्ति। भाजपा-दलस्य दावा अस्ति यत् एषा संकल्पयात्रा उत्तरबङ्गाले राजनैतिक-परिवर्तनस्य सन्देशं प्रसारयिष्यति।
हिन्दुस्थान समाचार