Enter your Email Address to subscribe to our newsletters
पूर्वी सिंहभूमः, 01 मार्चमासः (हि.स.)।नगरमध्ये आयोजिते द्वितीये संभागीयसेमिनारे द्वितीयदिने रविवासरे आध्यात्मिकवातावरणे गभीरचिन्तनसमन्विते तन्त्रसाधनायाः व्यापकस्वरूपे विस्तरेण चर्चा अभवत्। आनन्दमार्ग इत्यस्य वरिष्ठाचार्यः सिद्धविद्यानन्दअवधूतः “तन्त्रसाधना समाजे तस्य प्रभावः” इति विषये व्याख्यानं दत्त्वा अवदत् यत् तन्त्रं मनुष्यस्य अन्तर्निहितदेवत्वबोधं जागरयित्वा तं परमचेतनायां रूपान्तरयितुं समर्था पद्धतिः अस्ति।
आचार्येण स्पष्टं कृतं यत् तन्त्रसाधनायाः मूलोद्देश्यः कुलकुण्डलिन्याः सुप्तशक्तिं जागरयित्वा तां परमशिवेन सह संयोजयितुम् अस्ति। तेषां मते तन्त्रं न काचन संकीर्णधार्मिकपद्धतिः, अपितु आत्मविस्तारस्य मार्गः अस्ति, यः जातिवर्णसम्प्रदायमतवादसीमाः भित्त्वा साधकं व्यापकचेतनायाः दिशि प्रेषयति। एषा साधना मनुष्यं पशुवत्प्रवृत्तिभ्यः मानसिकबन्धनाभ्यश्च मुक्त्वा तस्य समग्रजीवनं उन्नतं करोति।
व्याख्याने तन्त्रस्य दार्शनिकाधारे प्रकाशं क्षिपन् स अवदत् यत् अस्य साधनाः पुरुषतत्त्वप्रकृतितत्त्वयोः आधारे स्थिताः सन्ति। बीजमन्त्राणां सूक्ष्मशक्तिं निर्दिशन् स उक्तवान् यत् “ह्रं क्लीं ऐं श्रीं” इत्यादयः बीजाक्षराः चेतनां जागरयन्ति ध्वन्यात्मकसूत्ररूपेण कार्यं कुर्वन्ति। तन्त्रशास्त्रे वर्णमालायाः पञ्चाशदक्षराणि पञ्चाशद्बीजशक्तिरूपेण अवगम्यन्ते। शुद्धिकरणं नाडीतन्त्रं कला आहारतत्त्वं कुलकुण्डलिनी च इत्यादयः विषयाः तन्त्रशास्त्रे वैज्ञानिकरीत्या विवेचिताः सन्ति।
आचार्यः अवदत् यत् तन्त्रे चक्राणां तेषां सम्बद्धग्रन्थीनां उपग्रन्थीनां धातूनां च विस्तृतवर्णनं दृश्यते। उन्नतसाधनास्थायां साधकस्य अणिमा महिमा लघिमा प्राप्ति प्रकाम्य ईशित्व वशित्व अन्तर्यामित्व इत्यादीनां सिद्धीनां प्राप्तिः सम्भवति इति अपि तेन उक्तम्।
स्वसम्बोधनस्य समापने आचार्येण प्रतिपादितं यत् तन्त्रसाधना केवलं व्यक्तिगतउन्नतेः साधनं न, अपितु सामाजिकसमरसताशान्त्योः अपि मार्गः अस्ति।
---------------
हिन्दुस्थान समाचार