भोपालनगरम्, १० मार्चमासः (हि.स.)। देशस्य प्रथमा स्त्री–अध्यापिका, समाजसेविका सावित्रीबाई–फुले इत्यस्याः अद्य मङ्गलवासरे पुण्यतिथिः अस्ति। सा महिलानां स्थितेः सुधाराय महत्त्वपूर्णां भूमिकां निर्वहन्ती भारतदेशे महिला–शिक्षायाः अग्रदूता अभवत्। सावित्रीबाई–फुले–इत्यस्याः पुण्यतिथौ मुख्यमंत्री डॉ.मोहन–यादवः ताम् स्मृत्वा विनम्र–श्रद्धासुमनानि अर्पितवान्।

मुख्यमंत्री डॉ.यादवः सामाजिक–माध्यमे एक्स इत्यत्र अलिखत्— महिला–सशक्तिकरणस्य प्रतिमारूपा महती समाजसेविका सावित्रीबाई–फुले–इत्यस्याः पुण्यतिथौ विनम्रां श्रद्धाञ्जलिम् अर्पयामि। अस्पृश्यता–प्रथा, सती–प्रथा, बाल–विवाह–इत्यादीनां कुरीतिनां निवारणाय तस्याः प्रयासाः समाजं मुक्तं कर्तुं महत्त्वपूर्णाः आसन्। तस्याः कार्याणि नारी–सशक्तिकरणस्य आत्मनिर्भरता–दिशि च नूतनयुगस्य सूत्रपातं कुर्वन्ति। तस्याः चरणयोः शतशः नमनम्।

हिन्दुस्थान समाचार / अंशु गुप्ता