Enter your Email Address to subscribe to our newsletters
गोरखपुरम्, 10 मार्चमासः(हि.स.)।गोरखपुरस्थिते एम्स-चिकित्सालयस्य चिकित्सकैः महत्त्वपूर्णा सिद्धिः प्राप्ता, यतः तेभिः सर्वाइकल-वर्टिब्रात् उत्पन्नस्य एण्टिरियर-सर्वाइकल-ऑस्टियोफाइट-नामकस्य विकारस्य शल्यचिकित्सा सफलतया कृता। एतादृशानां प्रकरणानां घटना प्रायः एकप्रतिशतपरिमिता एव दृश्यते। सामान्यतया अस्य अस्थ्युत्थानस्य आकारः लघुः भवति तथा बहुषु प्रकरणेषु कश्चन लक्षणप्रादुर्भावः न भवति, किन्तु कतिपयेषु अवस्थासु अस्य वृद्धिः गम्भीरसमस्याः जनयितुं शक्नोति।
अष्टषष्टिवर्षीयः रोगी प्रायः एकवर्षकालात् आहारग्रहणे कठिनतां अनुभवति स्म, या शनैः शनैः वर्धमाना अभवत्। अधुना तस्य श्वासग्रहणे अपि क्लेशः आरब्धः। स्थितिः गम्भीरा जातायां रोगिणः श्वासनल्यां नलिका स्थाप्य ट्रेकियोस्टॉमी-नामकः उपचारः कृतः, येन श्वसनमार्गः सुरक्षितः स्थाप्यते।
शल्यक्रियाकाले विशेषज्ञैः ग्रीवायाः अग्रभागतः प्रवेशमार्गं कृत्वा वर्धितां अस्थिं सुरक्षिततया निष्कासिता। एषा जटिला शल्यक्रिया कर्ण-नासिका-कण्ठ-विभागस्य तथा न्यूरोशल्यचिकित्सा-विभागस्य संयुक्तदलेन सफलतया सम्पन्ना।
अस्याः शल्यक्रियायाः नेतृत्वं कर्ण-नासिका-कण्ठ-विभागस्य डॉ. रुचिका अग्रवाल, डॉ. पंखुरी मित्तल तथा डॉ. अश्वनी चौधरी इत्येतेषां तथा न्यूरोशल्यचिकित्सा-विभागस्य डॉ. निनाद आनन्द सावंत तथा डॉ. सार्थक मेहता इत्येतेषां चिकित्सकानां द्वारा कृतम्। शल्यक्रियायां सहायकरूपेण डॉ. नैंसी गुप्ता, डॉ. श्वेता सिंह तथा डॉ. नंधिनी एस. प्रिया अपि महत्त्वपूर्णां भूमिकां निभृतवन्तः।
संस्थानस्य प्रशासनम् एतां शल्यक्रियां उन्नत-बहुविभागीय-चिकित्सा-सहकार्यस्य महत्त्वपूर्णं उदाहरणम् इति उक्त्वा अवदत् यत् एतादृश्याः जटिलाः शल्यक्रियाः रोगिभ्यः उन्नत-चिकित्सासुविधाः प्रदातुं संस्थानस्य दृढप्रतिबद्धतां दर्शयन्ति।
---------------
हिन्दुस्थान समाचार