Enter your Email Address to subscribe to our newsletters
कोलकाता, 10 मार्चमासः (हि.स.)। पश्चिमबङ्गराज्यस्य मुख्यमन्त्री ममता बनर्जी विधिमन्त्रालयस्य उत्तरदायित्वं स्वहस्ते गृहीतवती। राज्यस्य गृहम् तथा पर्वतीयकार्यविभागेन सोमवासरे रात्रौ विलम्बेन निर्गतायां अधिसूचनायां अस्य विषये सूचना प्रदत्ता।
अधिसूचनानुसारं कार्यविभागविन्यासे संशोधनस्य अन्तर्गतं मुख्यमन्त्री विधिविभागस्य प्रभारं स्वसमीपे स्थापितवती। अस्य पूर्वं अयं विभागः मन्त्रिणः मलय घटकस्य अधीनः आसीत्। अधुना घटकस्य समीपे केवलं श्रमविभागस्य उत्तरदायित्वं भविष्यति।
मलय घटकः अद्यावधि श्रमविभागस्य तथा विधिविभागस्य उभयोः उत्तरदायित्वं वहन् आसीत्।
अस्मिन्नन्तरे तृणमूलकाङ्ग्रेसदलस्य नेता बाबुल सुप्रियो हालैव राज्यसभायाः कृते निर्वाचितः अभवत्। तस्मात् कारणात् स राज्यस्य मन्त्रिमण्डलस्य सदस्यरूपेण कार्यं न करिष्यति। तेन पदं त्यक्ते सूचना-प्रौद्योगिकी, औद्योगिकपुनर्गठन तथा लोकउद्यमविभागाः अधुना रिक्ताः अभवन्।
राज्यसचिवालयस्य एकेन अधिकरिणा उक्तं यत् एतेषां विभागानां प्रभारः अस्थायिरूपेण मुख्यमन्त्रिणः समीपे एव भविष्यति, यावत् तेषां नूतनं आवंटनं न क्रियते।
अधिकरिणः अनुसारं एतेषां विभागानां पुनरावंटनविषये राज्यसरकारः शीघ्रमेव औपचारिकनिर्णयं घोषयितुं शक्नोति।
हिन्दुस्थान समाचार