Enter your Email Address to subscribe to our newsletters
पटना, 10 मार्चमासः (हि.स.)।
बिहारराज्यस्य मुख्यमन्त्री नीतीशकुमारस्य समृद्धियात्रायाः तृतीयं चरणम् अद्य आरभ्यते। अस्य क्रमस्य अन्तर्गतं मुख्यमन्त्री अद्य सुपौल तथा मधेपुरा जनपदयोः नागरिकैः सह प्रत्यक्षं संवादं करिष्यति तथा च विभिन्नविकासपरियोजनानां समीक्षां अपि करिष्यति।
मुख्यमन्त्रिणा सुपौलजिले ४३५ कोटिरूप्यकव्ययेन चतुरशीतियोजनानां शिलान्यासः, १३५ कोटिरूप्यकव्ययेन एकोनत्रिंशदधिकशतयोजनानां उद्घाटनं च क्रियते। तत्रैव जिलान्तर्गतं प्रवर्तमानानां विकासात्मककल्याणकारीयोजनानां समीक्षा अपि भविष्यति।
तथा च मधेपुराजिले ८६ कोटिरूप्यकव्ययेन सप्तत्रिंशदधिकशतयोजनानां शिलान्यासः, २१६ कोटिरूप्यकव्ययेन अष्टपञ्चाशदधिकशतयोजनानां उद्घाटनं च करिष्यति। तत्र अपि जिलान्तर्गतं प्रवर्तमानानां विकासात्मककल्याणकारीयोजनानां समीक्षा तथा जनसंवादः आयोजितः भविष्यति।
स्वदौरे मुख्यमन्त्री स्थानिकजनैः सह मिलित्वा तेषां समस्याः तथा सुझावान् अपि श्रोष्यति। तथा च जिल्लेषु प्रवर्तमानानां विकासयोजनानां प्रगतिं निरीक्ष्य सम्बन्धिताधिकारिभ्यः आवश्यकानि निर्देशानि दास्यति।
समृद्धियात्रायाः तृतीयचरणस्य अन्तर्गतं मुख्यमन्त्री सुपौल, मधेपुरा, अररिया, किशनगञ्ज, पूर्णिया, कटिहार, सहरसा, खगड़िया, बेगूसराय तथा शेखपुरा जिलेषु जनसंवादकार्यक्रमान् तथा समीक्षाबैठकाः करिष्यति।
अस्याः यात्रायाः माध्यमेन विकाससम्बद्धाः बहवः महत्त्वपूर्णाः योजनाः नूतनां गतिं नूतनां दिशां च प्राप्स्यन्ति इति प्रयासः क्रियते, यथा योजनानां लाभः अधिकाधिकजनान् प्रति प्राप्नुयात् तथा च भूमिस्तरे विकासकार्याणां स्थितेः सम्यक् आकलनं कर्तुं शक्येत।
---------------
हिन्दुस्थान समाचार