Enter your Email Address to subscribe to our newsletters
अररिया 11 मार्चमासः(हि.स.)।
मुख्यमन्त्री नीतीशकुमारः समृद्धि-यात्रा-कार्यक्रमस्य क्रमेमध्ये बुधवासरे अररिया-जिलां प्राप्तवान्। मुख्यमन्त्रिणा सह उपमुख्यमन्त्री तथा गृहमन्त्री सम्राट चौधरी, मन्त्री विजयकुमार चौधरी, जिलस्य प्रभारी मन्त्री लखेंद्रकुमार रौशन, मन्त्री लेसी सिंह च अररिया-कार्यक्रमे सहभागिनः अभवन्।
मुख्यमन्त्री नीतीशकुमारः ५४५.८९ कोटि-रूप्यकाणां मूल्येन ६८ विकास-योजनानां शिलान्यासं उद्घाटनं च अकरोत्। तेषु ३३०.६० कोटि-रूप्यकाणां व्ययेन षण्णां योजनानां शिलान्यासः कृतः, यासु त्रयः योजनाः पथ-निर्माण-विकासेन सम्बद्धाः सन्ति। तथा १५७.१६ कोटि-रूप्यकाणां व्ययेन ६० योजनानां उद्घाटनं कृतम्, यत्र ५८.१२ कोटि-रूप्यकाणां योजनानां कार्यारम्भः अपि सम्पन्नः।
एतस्मात् पूर्वं मुख्यमन्त्री नीतीशकुमारः हरिया-पञ्चायत इति स्थले ५४ कोटि-रूप्यकाणां व्ययेन निर्मिते नूतने पुलिस-केन्द्रे स्थिते हेलिपैडे अवतरत्। तत्र जिलाप्रशासनस्य पक्षतः डीएम् विनोद दूहन, एसपी जितेन्द्र कुमार, विधायकः विजयकुमार मण्डल, देव्यन्ती यादव तथा अन्ये प्रशासनिक-अधिकारी जनप्रतिनिधयः च पुष्पगुच्छैः तस्य स्वागतं कृतवन्तः। मुख्यमन्त्रिणे बिहार-पुलिस-सैनिकैः गार्ड्-ऑफ्-ऑनर् अपि प्रदत्तः।
मुख्यमन्त्री नूतनस्य पुलिस-केन्द्रस्य प्रशासनिक-भवनस्य उद्घाटनं कृत्वा तस्य अवलोकनं कृतवान्, ततः परं विभिन्नानां विकास-योजनानां उद्घाटनं शिलान्यासं च रिमोट् माध्यमेन अकरोत्।
अनन्तरं जिलायाः अन्तर्गताः प्रगति-यात्रा-सम्बद्धानां योजनानां प्रगतिप्रस्तुतीकरणं दृष्ट्वा मुख्यमन्त्रिणः काफिलः कोशी-दुग्ध-परियोजना-परिसरम् अगच्छत्। तत्र तेन विकास-योजनानां प्रदर्शन-स्थलानां निरीक्षणं कृतम्। सः पूर्णिया-स्थित-कोशी-दुग्ध-परियोजनायाः अन्तर्गतस्य अररिया-केन्द्रस्य सुदृढीकरण-नवीनीकरण-योजनायाः उद्घाटनं कृत्वा दुग्ध-आपूर्तिकर्तृभिः सह प्रत्यक्ष-संवादं कृतवान्।
मुख्यमन्त्री आर.एस.-स्थाने स्थितस्य एएनएम्, जीएनएम् तथा पारा-चिकित्सा संस्थानस्य जीएनएम् छात्रावासस्य उद्घाटनं कृतवान्। तथा कोशी-डेयरी-परियोजनायाः दुग्ध-शीतक-केन्द्रस्य अपि उद्घाटनं कृतम्।
तत्पश्चात् अररिया-कॉलेज-स्टेडियम् इति स्थले मुख्यमन्त्री जीविका-भगिनीभिः सह तथा जननायक कर्पूरी ठाकुर छात्रावासस्य छात्राभिः सह संवादं कृतवान्। अररिया-कॉलेज-स्थिते अस्थायी-सभागारे सः जिलायाः वरिष्ठ-अधिकारिभिः सह योजनानां प्रगतिं कार्याणां समीक्षां च कृत्वा जनसंवादं अकरोत्।
अनन्तरं मुख्यमन्त्री प्रायः अपराह्णे पौने एकवादने नूतन-पुलिस-केन्द्र-हेलिपैडात् किशनगंज-जिलायाः ठाकुरगंज-क्षेत्रे स्थितं ग्रीड्-उपकेन्द्रं चूरनी नाम कृषिक्षेत्रं प्रति प्रस्थितः।
हिन्दुस्थान समाचार