Enter your Email Address to subscribe to our newsletters
नवदिल्ली, 11 मार्चमासः (हि.स.)।
केन्द्रीय-वस्त्र-मन्त्री गिरिराज-सिंहः बुधवासरे दिल्ली-नगरे स्थिते उद्योग-भवने “भारत-टेक्स २०२६” इत्यस्य तृतीय-संस्करणस्य शुभारम्भम् अकरोत्। मन्त्री अवदत् यत् भारत-मण्डपम् नाम्नि स्थले १४–१७ जुलै-तिथिषु आयोजितः अयं मेला विश्वस्य सर्वात् विशालः एकीकृत-वस्त्र-आयोजनः भविष्यति।
गिरिराज-सिंहः माध्यम-प्रतिनिधीन् प्रति उक्तवान् यत् भारतस्य वस्त्र-उद्योगाय वैश्विक-पटलस्य उपरि नूतन-परिचयं दातुं तथा देशं विश्वस्य सर्वाधिकं विश्वसनीयम् “आपूर्ति-गन्तव्यं” कर्तुं एतस्य आयोजनस्य उद्देश्यः अस्ति। सः अवदत् यत् “भारत-टेक्स २०२६” प्रधानमन्त्रिणः नरेन्द्र-मोदी इत्यस्य “५ एफ्-विजन”—फार्म, फाइबर, फैक्ट्री, फैशन, फॉरेन—इत्यस्य सजीवम् उदाहरणम् अस्ति। एषः मंचः फाइबर-यार्न-आरभ्य सिद्ध-वस्त्राणि, प्राविधिक-वस्त्राणि तथा हस्तशिल्पानि यावत् सम्पूर्णां वैल्यू-चेनम् एकस्मिन् स्थले संयोजयिष्यति।
मन्त्री अवदत्—“भारत-टेक्स केवलं नवोन्मेषस्य व्यापारस्य च प्रदर्शनम् एव न, अपि तु ‘मेक-इन-इण्डिया’ भावनया सह वैश्विक-वस्त्र-अर्थव्यवस्थायां भारतस्य वर्धमान-नेतृत्वस्य अपि प्रतीकं अस्ति।”
अस्य वार्षिक-आयोजनस्य आकारे प्रभावे च नूतनः कीर्तिमानः स्थाप्यते। प्रायः १.६ लक्ष-वर्ग-मीटर विस्तीर्णे परिसरि ३५०० प्रदर्शकाः स्व-प्रौद्योगिकीं शिल्पं च प्रदर्शयिष्यन्ति। विश्वस्य १४० अधिक-देशेभ्यः प्रायः ७००० क्रेतारः भारतीय-बाजारस्य सामर्थ्यं द्रष्टुं आगमिष्यन्ति। समग्रतया १.३ लक्ष आगन्तुकैः सह एषः कार्यक्रमः वस्त्र-जगतः महत् महाकुम्भः भविष्यति।
वस्त्र-सचिवा नीलम-शमी-राव अवदत् यत् अयं मेला एमएसएमई तथा स्टार्टअप् उद्यमानां कृते वैश्विक-दर्शकैः सह सम्बद्धुं उत्कृष्टम् अवसरं प्रदास्यति। सा अवदत् यत् विपरीत-वैश्विक-परिस्थितिषु अपि भारतीय-वस्त्र-उद्योगः स्वलचीलतां प्रदर्शितवान्, अधुना नूतनैः एफ्-टी-ए-सम्झौतैः अन्तरराष्ट्रीय-बाजारेषु विविधीकरणस्य समयः प्राप्तः अस्ति। अस्मिन् आयोजनाय मध्य-प्रदेशः “राज्य-भागीदारः” इति रूपेण पूर्वमेव घोषितः अस्ति।
एषः कार्यक्रमः भारत-टेक्सटाइल-ट्रेड-फेडरेशन (बीटीटीएफ) द्वारा संचालितः अस्ति, यस्मिन् एकादश निर्यात-संवर्धन-परिषदः सम्मिलिताः सन्ति।
बीटीटीएफ-अध्यक्षः नरेन-गोयनका तथा सह-अध्यक्षः भद्रेश-डोडिया विश्वासं व्यक्तवन्तौ यत् एषः “मदर-प्लेटफॉर्म” भारतीय-वस्त्राणां गुणवत्ता, वेगः तथा सामर्थ्यं विश्वे प्रदर्शयिष्यति।
---------------
हिन्दुस्थान समाचार