मीरजापुरम्, ११ मार्चमासः (हि.स.)।जम्मू–कश्मीरस्य उपराज्यपालः मनोज–सिन्हा बुधवासरे प्रातःकाले विन्ध्याचलम् आगत्य विश्वविख्याते शक्तिपीठे विन्ध्यधाम्नि मातुः विन्ध्यवासिन्याः विधिपूर्वकं दर्शनं पूजनं च कृतवान्। तस्य आगमनस्य दृष्ट्या मन्दिर–परिसरे तथा समीपस्थेषु क्षेत्रेषु विशेषाः सुरक्षा–व्यवस्थाः कृताः आसन्।

उपराज्यपालस्य प्रातःकाले मन्दिरं प्राप्ते पुजारिभिः तथा मन्दिर–प्रशासनस्य पदाधिकारीभिः तस्य स्वागतं कृतम्। ततः सः मातुः विन्ध्यवासिन्याः गर्भगृहे वैदिक–मन्त्र–उच्चारणस्य मध्ये पूजार्चनां च कृत्वा देशस्य प्रदेशस्य च सुख–समृद्ध्यै प्रार्थनां कृतवान्। दर्शनसमये सः किञ्चित्कालं मन्दिर–परिसरे स्थित्वा मातुः चरणयोः प्रणम्य आशीर्वादम् अलभत।

दर्शन–पूजनस्य अनन्तरं उपराज्यपालः मनोज–सिन्हा अष्टभुजा–क्षेत्रे स्थितं अष्टभुजा–अतिथिगृहम् अगच्छत्, यत्र तस्मै आरक्षक–बलस्य पक्षतः औपचारिकरूपेण गार्ड–ऑफ–ऑनर प्रदत्तः। अस्मिन् अवसरे जनपद–प्रशासनस्य तथा आरक्षक–विभागस्य वरिष्ठ–अधिकारिणः अपि उपस्थिताः आसन्। अधिकारीभिः तस्मै जनपदस्य व्यवस्थाः सुरक्षा–प्रबन्धाश्च अवबोधिताः।

उपराज्यपालस्य आगमनस्य कारणेन विन्ध्याचल–क्षेत्रे दृढाः सुरक्षा–प्रबन्धाः कृताः आसन्। मन्दिर–परिसरे तथा समीपस्थेषु मार्गेषु आरक्षक–बलं नियोजितम् आसीत्, श्रद्धालूनां गमनागमनं च सुव्यवस्थितरूपेण नियन्त्रितम्। स्थानीय–निवासिषु श्रद्धालुषु च उपराज्यपालस्य आगमनं प्रति उत्साहः दृष्टः।

दर्शनानन्तरं तेन मन्दिरस्य व्यवस्थायाः प्रशंसा कृता तथा मातरं विन्ध्यवासिनीं प्रति स्वस्य प्रगाढा आस्था अपि व्यक्ता।उल्लेखनीयं यत् विन्ध्याचल–स्थितं मातुः विन्ध्यवासिन्याः धाम देशस्य प्रमुखेषु शक्तिपीठेषु अन्यतमं मन्यते, यत्र प्रतिदिनं सहस्रशः श्रद्धालवः दर्शन–पूजनार्थम् आगच्छन्ति। विशेषेषु पर्वसु च अत्र भक्तानां महान् सम्मर्दः अपि दृश्यते।

हिन्दुस्थान समाचार / अंशु गुप्ता