सूरतनगरम्, ११ मार्चमासः (हि.स.)।सूरत–महानगर–पालिकायाः (एसएमसी) वर्तमान–कार्यकालस्य अन्तिमा सामान्य–सभा मङ्गलवासरे सम्पन्ना। अस्यां सभायां नगरस्य इतिहासेन सम्बद्धः महत्त्वपूर्णः निर्णयः स्वीकृतः। सभायां द्वौ महत्त्वपूर्णौ प्रस्तावौ प्रस्तुतौ, यौ सर्वसम्मत्याः अनुमोदितौ।

अस्य निर्णयस्य अनुसारं मनपा–मुख्यालयरूपेण प्रसिद्धस्य ‘मुगलीसराय’–भवनस्य नाम अधुना ‘तापी–भवनम्’ इति भविष्यति। तथैव तस्य समीपवर्ती ‘मुगलसराय’–क्षेत्रं अधुना ‘तापीपुरा’ इति नाम्ना ज्ञास्यते।

एषः प्रस्तावः सभायाः अध्यक्षतां वहता महापौरेण दक्षेश–मावाणी इत्यनेन प्रस्तुतः। प्रस्तावस्य प्रस्तुतेः अनन्तरं सभागारे उपस्थिताः सर्वे नगर–सेवकाः उत्थाय उपविश्य पीठिकाः स्पृशन्तः निर्णयस्य स्वागतं कृतवन्तः। केचन नगर–सेवकाः “सनातन–धर्मस्य जयः” इति घोषान् अपि अकुर्वन्।

विशेषतया विपक्षस्य नगर–सेवकाः अपि उत्थाय अस्य प्रस्तावस्य समर्थनं कृतवन्तः, येन उभौ प्रस्तावौ सर्वसम्मत्याः पारितौ अभवताम्। प्रस्तावस्य प्रस्तुतिसमये महापौरः मावाणी सूरत–नगरस्य ऐतिहासिक–सांस्कृतिक–परम्परायाः उल्लेखं कृत्वा उक्तवान् यत् नगरस्य गौरवपूर्णं परिचयं इतिहासं च दृष्ट्वा एतत् नाम–परिवर्तनं कृतम्।

अधुना आधिकारिकरूपेण मनपा–मुख्यालयं ‘तापी–भवनम्’ इति नाम्ना, तथा तस्य समीपवर्ती क्षेत्रं ‘तापीपुरा’ इति नाम्ना ज्ञास्यते।

हिन्दुस्थान समाचार / अंशु गुप्ता