Enter your Email Address to subscribe to our newsletters
नव दिल्ली, 11 मार्चमासः(हि.स.)।
कृषिक्षेत्रे महिलानां भूमिकां प्रकाशयितुं उद्दिश्य गुरुवासरात् आरभ्य त्रिदिवसीयं (१२–१४ मार्च) वैश्विक-सम्मेलनम् आयोजितं भविष्यति। आईसीएआर-सम्मेलन-केन्द्रे आयोजितस्य त्रिदिवसीयस्य “कृषि-खाद्य-श्रृंखलायां महिलानां सहभागितायाः वैश्विक-सम्मेलनम् (जीसीडब्ल्यूएएस–२०२६)” इति कार्यक्रमस्य उद्घाटनं गुरुवासरे राष्ट्रपतिः द्रौपदी-मुर्मु करिष्यति।
सम्मेलनस्य उद्घाटन-सत्रे केन्द्रीय-कृषि-कृषक-कल्याण-ग्रामीण-विकास-मन्त्री शिवराज-सिंह-चौहानः अतिथिरूपेण उपस्थितः भविष्यति। समापन-सत्रे केन्द्रीय-महिला-बाल-विकास-मन्त्री अन्नपूर्णा-देवी मुख्य-अतिथिरूपेण सहभागी भविष्यति।
अस्य सम्मेलनस्य आयोजनं कृषि-विज्ञान-विकास-न्यासः (टीएएएस), भारतीय-कृषि-अनुसन्धान-परिषद् (आईसीएआर), अन्तरराष्ट्रीय-कृषि-अनुसन्धान-परामर्शदात्री-समूहः (सीजीआईएआर) तथा पादप-किस्म-कृषक-अधिकार-संरक्षण-प्राधिकरणम् संयुक्तरूपेण कुर्वन्ति।
आईसीएआर-स्य महानिदेशकः डा. एम्. एल्. जाटः बुधवासरे पत्रकार-सम्मेलने अवदत् यत् अस्मिन् सम्मेलन कार्यक्रमे पञ्चदशाधिकाः राष्ट्रिय-अन्तरराष्ट्रीय-संस्थाः सह-आयोजकाः ज्ञान-साझेदाराश्च रूपेण सहभागी भवन्ति।
अस्मिन् कार्यक्रमे भारतदेशात् तथा विश्वस्य विविध-देशेभ्यः वैज्ञानिकाः, नीतिनिर्मातारः, उद्योग-क्षेत्रस्य प्रमुखाः, उद्यमिनः, प्रगतिशील-व्यावसायिकाः, महिला-कृषकाः, नव-उद्यमिनः, छात्राः च इत्यादयः विभिन्न-क्षेत्रेभ्यः सम्बद्धाः सप्तशताधिकाः व्यक्तयः सहभागित्वं कुर्वन्ति।
तेन उक्तं यत् अस्य वैश्विक-सम्मेलनस्य उद्देश्यं महिलानां सहभागितां मुख्यधारायां स्थापयितुं नीतिगत-कार्ययोजनायाः तथा तस्य पारिस्थितिकी-तन्त्रस्य सुदृढीकरणस्य विषये विचार-विनिमयः कर्तुं, तथा टिकाऊ-समावेशी-कृषि-खाद्य-व्यवस्थायाः निर्माणे तासां महत्त्वपूर्णां भूमिकां प्रकाशयितुं च अस्ति।
अस्य सम्मेलनस्य अध्यक्षा डा. रेणु-स्वरूपा, कृषि-सचिवा, जैव-प्रौद्योगिकी-विभागः, भारत-सरकारः सन्ति; सह-अध्यक्षः च डा. राजबीर-सिंहः, उप-महानिदेशकः (कृषि-विस्तारः), आईसीएआर अस्ति।
सम्मेलनस्य सत्रेषु वक्तारः रूपेण डा. एग्नेस-कालीबाटा, संस्थापिका तथा अध्यक्षः कनेक्ट४इम्पैक्ट, डा. सौम्या-स्वामीनाथन, विश्व-खाद्य-पुरस्कार-विजेता डा. शकुंतला एच्. थिल्स्टेड, तथा एनआईएसडी-स्य निदेशिका डा. नित्या-राव अपि सम्बोधनं करिष्यन्ति।
---------------
हिन्दुस्थान समाचार