Enter your Email Address to subscribe to our newsletters
सूरतम्, 13 मार्चमासः(हि.स.)।
गुजरातराज्यस्य राज्यपालः आचार्यदेवव्रतः अवदत् यत् सकारात्मकाः विचाराः व्यक्तेः समाजस्य च निर्माणस्य आधारशिलाः भवन्ति।
राज्यपालः आचार्यदेवव्रतः गुरुवासरे सूरतनगरे सौराष्ट्रपटेलसेवासमाजेन ‘थर्सडे थॉट्स विचाराणां वावेतरम्’ इति कार्यक्रमस्य १५०तमपदे आयोजिते ‘विचारमहोत्सव’ नाम्नि कार्यक्रमे उपस्थितान् सम्बोधयन् एतत् उक्तवान्।
सौराष्ट्रपटेलसेवासमाजः समाजे सकारात्मकविचारधारायाः प्रसारस्य उद्देश्येन गतत्रिषु वर्षेषु प्रतिगुरुवासरं ‘थर्सडे थॉट्स विचाराणां वावेतरम्’ इति कार्यक्रमं आयोजयति।
कैनालरोड् स्थिते हैप्पीनेस बैंक्वेट हॉल् नाम्नि स्थले आयोजिते अस्मिन् समारोहेम् राज्यपालः अवदत् यत् सकारात्मकाः विचाराः व्यक्तेः समाजस्य च निर्माणस्य आधारशिलाः भवन्ति। विचाराणां वावेतरं नवपीढ्यां ऊर्जा, सकारात्मकदृष्टिकोणः, पहलशक्ति तथा संस्काराणां विकासं जनयति। सः अवदत् यत् स्नानेन केवलं शरीरस्य शुद्धिः भवति, किन्तु मनसः शुद्धिः सत्यभाषणेन, आत्मनः शुद्धिः विद्या तपोभ्यां च, बुद्धेः शुद्धिः ज्ञानात् भवति। श्रेष्ठाः विचाराः संस्काराश्च एव मनुष्यं वास्तविकार्थे प्रबुद्धं कुर्वन्ति।
सः भारतीयसंस्कृतेः षोडशसंस्कारान् ऋषिपरम्परां च उल्लेखयन् अवदत् यत् तेषां उद्देश्यं व्यक्तेः वैचारिकबलस्य संवर्धनम् अस्ति। यदि नवसंततिः वैचारिकतया दृढा न भविष्यति तर्हि समाजः परिवारः च उभौ अपि हानिं प्राप्स्यतः। अतः एतादृशेषु सामाजिकवैचारिककार्यक्रमेषु बालकान् अपि सह आनयितुं आवश्यकम्, यतः वरिष्ठानां अनुभवेभ्यः मार्गदर्शनाच्च प्राप्तं जीवनज्ञानं कस्यचित् विद्यालयस्य माध्यमेन न लभ्यते। नवपीढ्याम् संस्काराणां वैचारिकशक्तेः च संवर्धनमेव सच्चा राष्ट्रसेवा अस्ति।
राज्यपालः पटेलसमाजस्य योगदानं प्रशंसन् अवदत् यत् पटेलसमाजः ‘राष्ट्रं प्रथमम्’ तथा ‘जननी जन्मभूमिश्च’ इत्यस्य प्रति स्वप्रेम व्यवहारतः अपि प्रमाणितवान्। स्वपरिश्रमसम्पादितधनस्य किञ्चित् अंशं समाजस्य ग्रामस्य जनकल्याणस्य च कार्येषु निवेश्य ते राष्ट्रनिर्माणे महत्त्वपूर्णां भूमिकां निर्वहन्ति।
अस्मिन् अवसरॆ कार्यक्रमे प्रस्तुतानां श्रेष्ठशतविचाराणां सङ्कलनरूपा “१०० थॉट्स बुक्” नाम्नी पुस्तकस्य अपि राज्यपालः विमोचनं कृतवान्।
सौराष्ट्रपटेलसेवासमाज–सूरतस्य अध्यक्षः कानजीभाईभालाला स्वागतभाषणे अवदत् यत् १६ मार्च २०२३ तः आरब्धा ‘थर्सडे थॉट्स’ नाम यात्रा अद्य १५०तमपदं प्राप्तवती। स्वास्थ्यं समृद्धिः सुखं च केन्द्रे स्थाप्य आरब्धः अयं कार्यक्रमः समाजात् अभूतपूर्वं समर्थनं प्राप्तवान्। सः अवदत् यत् उत्तमाः विचाराः जीवनं प्रकाशेन सकारात्मकतया च पूरयन्ति तथा महानां कार्याणाम् आरम्भः अपि सद्विचारैः एव भवति।
युवउद्योगपति राकेशभाईदुधात अवदत् यत् एकः श्रेष्ठः विचारः समाजे सकारात्मकपरिवर्तनस्य मार्गं उद्घाटयितुं शक्नोति। सः आशां व्यक्तवान् यत् आगामिकाले अयं विचारयात्रा अधिकं विस्तीर्णा भविष्यति तथा अधिकाधिकाः जनाः अस्यां संयोजिताः भविष्यन्ति।
अस्मिन् अवसरे इफ्को संस्थायाः अध्यक्षः दिलीपभाईसङ्घाणी, गुजरातप्राकृतिककृषिविज्ञानविश्वविद्यालयस्य कुलपतिः डॉ. सी.के. टिंबड़िया, उद्योगपतयः सवजीभाईवेकरिया, ईश्वरधोलकिया, अरविंदधडूक, घनश्यामभाईशंकर, मनहरभाईसासपरा इत्यादयः अनेकाः सामाजिकनेतारः तथा बहुसंख्यकाः नागरिकाः उपस्थिताः आसन्।
---------------
हिन्दुस्थान समाचार