Enter your Email Address to subscribe to our newsletters
नवदिल्ली, १३ मार्चमासः (हि.स.)।केन्द्रीय–महिला–बाल–विकास–राज्यमन्त्री सावित्री–ठाकुरः महिला–स्थिति–आयोगस्य (सीएसडब्ल्यू) ७०–तमे सत्रे अवदत् यत् भविष्ये भारत–ब्राज़ील–दक्षिण–अफ्रीका (आईबीएसए)–निधेः सदृशा: वैश्विक–सहभागिताः समावेशी–नीति–निर्माणं सुदृढं करिष्यन्ति तथा च महिला–सशक्तीकरणस्य नूतनान् आयामान् स्थापयिष्यन्ति।
संयुक्त–राष्ट्र–मुख्यालये न्यूयार्क–नगरे आयोजितं सीएसडब्ल्यू–संस्थायाः ७०–तमं सत्रं “महिला–नेतृत्व–युक्त–विकासः तथा दक्षिण–दक्षिण–सहयोगः” इति विषयम् आधृत्य सम्पन्नम्। एतत् सत्रं ९ मार्चमासतः १२ मार्चमासपर्यन्तं प्रवृत्तम्। मन्त्रिणी गुरुवासरे समापन–सत्रस्य अवसरे आईबीएसए–निधेः सफलतां तथा महिला–सशक्तीकरणं प्रति भारतस्य अटूट–प्रतिबद्धतां अपि सहभागं कृतवती।
सावित्री–ठाकुरः अवदत् यत् आईबीएसए–पक्षतः २००४ तमे वर्षे स्थापितः आईबीएसए–कोषः अद्य दक्षिण–दक्षिण–सहयोगस्य उत्कृष्टम् उदाहरणं जातम्। अयं निधिः अद्यावधि प्रायः ४० देशेषु ५० अधिक–विकास–परियोजनाभ्यः समर्थनं दत्तवान्। एताः परियोजनाः विशेषतः महिला–नेतृत्वं तथा तासां सक्रिय–सहभागितां केन्द्रे कृत्वा प्रवर्तन्ते, याः भारतस्य ‘महिला–नेतृत्व–युक्त–विकास’ इति दृष्टिकोणं वैश्विक–स्तरे प्रसारयन्ति।
मन्त्रिणी आईबीएसए–रचनायाः अन्तर्गतं प्रचलमानयोः द्वयोः महत्त्वपूर्णयोः परियोजनयोः अपि उल्लेखं कृतवती। तयोः मध्ये एकं लाइबेरिया–देशे सञ्चाल्यमानं परियोजनम् अस्ति, यत् लैङ्गिक–समानतायाः प्रोत्साहनाय तथा विधायी–स्तरे महिलानां भूमिकां सुदृढीकर्तुं प्रवर्तते। अपरा परियोजना जॉर्डन–देशे अस्ति। अस्यान्तर्गतं अपशिष्ट–जलस्य पुनर्चक्रणं कृत्वा ६० हरितगृहाणि तथा ५० महिला–सूक्ष्म–उद्यमानां स्थापना भविष्यति। अनेन १५० महिलाभ्यः प्रशिक्षणं प्रदास्यते।
मन्त्रिणी वैश्विक–मञ्चे भारतस्य आन्तरिक–प्रयत्नानाम् अपि उल्लेखं कृत्वा अवदत् यत् भारत–सर्वकारेण शिक्षा–कौशल–विकासस्य तथा।डिजिटल–सशक्तीकरणस्य माध्यमेन महिलाः मुख्यधारायां समानीताः। केन्द्रीय–वित्तविवरणे–२०२५–२६ मध्ये लैङ्गिक–समानतायै प्रायः ६० अर्बुद–डॉलर (५.०१ लक्ष–कोटि–रूप्यकाणि) आवंटितानि सन्ति, यत् गतवर्षस्य अपेक्षया ८ प्रतिशताधिक–वृद्धिं दर्शयति।
सत्रस्य अवसरे मन्त्रिणी दक्षिण–अफ्रीका–देशस्य मन्त्रिण्या सिंदिसिवे–चिकुंगा इत्यनया सह द्विपक्षीय–सभां कृतवती। अस्याम् दारिद्र्य-बुभूक्षा–उन्मूलनाय भविष्य–रणनीतिषु चर्चा अभवत्। अस्मिन् कार्यक्रमे ब्राज़ील–देशस्य उपमन्त्री यूटालिया–बारबोसा, गाम्बिया–देशस्य मन्त्रिणी फाटू–किन्तेह तथा संयुक्त–राष्ट्रे भारतस्य स्थायी–प्रतिनिधिः राजदूतः पी.–हरीशेन सह अनेक–देशानां गणमान्य–प्रतिनिधयः उपस्थिताः आसन्।
हिन्दुस्थान समाचार / अंशु गुप्ता