-पंचकूलायां त्रिदिवसीयः 38तमस्य वसंतोत्सवस्य अकरोत् शुभारंभः

चंडीगढ़म्, 13 मार्चमासः (हि.स.)।हरियाणा-प्रदेशस्य मुख्यमन्त्री नायब सिंह सैनी शुक्रवासरे पंचकूला नगरे त्रिदिवसीयस्य 38तमस्य वसन्तोत्सवस्य उद्घाटनं कृतवान्। अस्य अवसरस्य सह एव संरक्षण-सम्भारणकार्यस्य कारणेन गतवर्षात्पिहितस्थितम् एशिया-खण्डस्य महत्तमं कैक्टस उद्यानम् अपि पुनः जनसाधारणस्य कृते उद्घाटितम्। मुख्यमन्त्री वसन्तोत्सवे आयोजितां पुष्प-प्रदर्शनीं निरीक्षितवान् तथा कट-फ्लावर, ड्राई-फ्लावर तथा फ्रेश-फ्लावर विभागेषु विविधासु पुष्प-प्रजातिषु विशेषां रुचिं दर्शितवान्। तेन स्वयंसहायता-समूहैः निर्मितानां विविध-उत्पादानां प्रदर्शनी-स्थलानाम् अपि अवलोकनं कृतम्।

कार्यक्रमं सम्बोधयन् मुख्यमन्त्री नायब सिंह सैनी उक्तवान् यत् वसन्तोत्सवः अस्माकं संस्कृतेः, प्रकृतिप्रेम्णः तथा सामाजिक-समरसतायाः सजीवः उत्सवः अस्ति। अयम् उत्सवः सम्पूर्णस्य प्रदेशस्य जनानां कृते आकर्षणस्य केन्द्रं जातम् अस्ति। पंचकूला हरियाणस्य एकं आधुनिकं सुव्यवस्थितं च नगरम् अस्ति। इदन्नगरं प्राकृतिक-सौन्दर्यस्य, स्वच्छ-वातावरणस्य तथा सुव्यवस्थित-विकासस्य अद्भुतं उदाहरणम् अस्ति।

तेन उक्तं यत् अस्य उत्सवस्य अधिकम् आकर्षकत्वार्थं पुष्प-सज्जा, कट-फ्लावर-प्रदर्शनी, रंगोली-प्रतियोगिता, चित्रकला, पॉट-पेंटिंग, फेस-पेंटिंग तथा टैटू-प्रतियोगिता, पर्यावरण-प्रश्नोत्तरी, मेहन्दी-प्रतियोगिता तथा फैंसी-ड्रेस-प्रतियोगिता इत्यादीनां आयोजनं क्रियते।

मुख्यमन्त्री अवदत् यत् भारतं विश्वस्य तादृशं राष्ट्रम् अस्ति यत्र प्रकृत्या अस्मभ्यं अनेकाः ऋतवः प्रदत्ताः सन्ति। प्रत्येक ऋतुः नूतनां अनुभूतिं नूतनां च ऊर्जसं वहति। अस्माकं देशस्य संस्कृति अपि ऋतुभिः सह गाढरूपेण सम्बद्धा अस्ति। अतः प्रत्येकस्य ऋतोः आगमने कश्चित् न कश्चित् पर्वोत्सवः आचर्यते।

मुख्यमन्त्री अवदत् यत् वृक्षसंरक्षणार्थं प्राणवायु देवता पेंशन योजना अन्तर्गतं 75 वर्षेभ्यः अधिकवयस्कानां वृक्षाणां संरक्षण-सम्भारणार्थं प्रतिवर्षं 3000 रूप्यकाणां पेंशन-राशेः प्रावधानं कृतम् अस्ति। अद्यपर्यन्तं 3,819 वृक्षाणां परिचयं कृत्वा तेषां अभिरक्षकभ्यः 2 कोटि 5 लक्ष रूप्यकाणां सेवानिवृत्ति-राशिः प्रदत्ता अस्ति। एतेषाम् अतिरिक्तं 1,541 अन्येषां वृक्षाणाम् अपि परिचयः कृतः अस्ति।

---------------

हिन्दुस्थान समाचार / Dheeraj Maithani