Enter your Email Address to subscribe to our newsletters
सिल्चरनगरम्, १४ मार्चमासः (हि.स.)। प्रधानमन्त्री नरेन्द्र–मोदी स्वस्य असम–प्रवासे द्वितीयदिवसे शनिवासरे बराक–घाटिं गमिष्यति। अस्मिन्काले प्रधानमन्त्री प्रायः २३,५५० कोटिरूप्यकाणां विभिन्न–परियोजनानां भूमिपूजनं आधारशिलां च स्थापयिष्यति। प्रधानमंत्री एकस्यां जनसभायामपि भाषणं दास्यति।
एतस्मात् पूर्वं प्रधानमन्त्री शुक्रवासरे द्विदिवसीय-असम–प्रवासस्य कृते गुवाहाटीम् आगतः। अस्मिन्काले प्रधानमन्त्रिण: कोकराझार–कार्यक्रमः निरस्त: अभवत्। गुवाहाट्यादेव कोकराझार–कार्यक्रमं प्रधानमन्त्री वर्चुअल–माध्यमेन संभाषितवान्। सहैव विभिन्न–कार्यक्रमाणां उद्घाटनं शिलान्यासं च कृतम्। अस्मिन्काले सायं अन्यस्मिन् कार्यक्रमे प्रधानमन्त्रिणा चाय–जनजाति–समुदायाय भूमेः कर्गदं प्रदत्तम्।
हिन्दुस्थान समाचार / अंशु गुप्ता