नव दिल्ली, 14 मार्चमासः (हि.स.)।

दिल्ल्याः मुख्यमन्त्री रेखा गुप्ता शनिवासरे केन्द्रीय महिला एवं बाल विकासमन्त्री अन्नपूर्णा देवी सह जवाहरलाल नेहरू स्टेडियम परिसरमध्ये आयोजिते ‘ओडिशा पर्व 2026’ कार्यक्रमे सहभागिनी अभवत्। अस्मिन् अवसरे सा उपस्थितान् जनान् संबोधितवती तथा दिल्लीनगरे निवसन्तं उड़िया समुदायं प्रति अस्य सांस्कृतिक उत्सवस्य हार्दिकाः शुभकामनाः अर्पितवती।

मुख्यमन्त्री उक्तवती यत् अयं समारोहः ओडिशाराज्यस्य समृद्धसंस्कृतेः परम्पराणां च आस्थायाः च जीवन् उत्सवः अस्ति। तस्या मतानुसारं राष्ट्रराजधान्यां दिल्ल्यां ओडिशायाः संस्कृति कला संगीत नृत्य परम्पराश्च एतादृशेन भव्यरूपेण प्रदर्श्यन्ते इति अतीव गौरवस्य विषयः अस्ति। दिल्ल्यां निवसन्तः सर्वे उड़िया परिवाराः अद्यापि स्वमूलैः स्वसंस्कृतिकविरासतया तथा स्वमातृभूम्या ओडिशया सह गाढतया सम्बद्धाः सन्ति।

सा आयोजकान् अभिनन्द्य उक्तवती यत् वर्ष 2017 आरभ्य निरन्तरं आयोज्यमानं ‘ओडिशा पर्व’ अधुना प्रायः दशकपर्यन्तां गौरवमयीं यात्रां सम्पन्नां कृतवान्। दिल्ल्यां वसन्तः प्रत्येकः उड़िया परिवारः वर्षपर्यन्तं अस्य पर्वणः उत्सुकतया प्रतीक्षां करोति, यतः एषः उत्सवः केवलं संस्कृतेः उत्सवः न, अपितु स्वपरम्पराभिः स्वपरिचयेन च जनान् संयोजयितुं महत्त्वपूर्णं माध्यमम् अपि अस्ति।

मुख्यमन्त्री उक्तवती यत् अस्य मंचस्य माध्यमेन दिल्ल्यां वसन्तं उड़िया परिवारं स्वस्य विस्तारितपरिवारवत् संबोधितुं तस्यै महान् सौभाग्यः प्राप्तः। एतादृशाः सांस्कृतिककार्यक्रमाः भारतस्य विविधतायाः एकतायाः च भावनां अधिकं सुदृढां कुर्वन्ति।

स्वानुभवं साझा कुर्वन्ती सा उक्तवती यत् यदा तस्या दिल्ल्याः मुख्यमन्त्रिणी रूपेण सेवाकार्यस्य दायित्वं प्राप्तम्, तदा सा प्रथमं ओडिशां गत्वा जगन्नाथ प्रभोः दर्शनं कृतवती। दिल्ल्यां आयोजितायां भगवान् जगन्नाथस्य रथयात्रायामपि सा श्रद्धया सहभागिनी अभवत् तथा यात्रायाः परम्परां अनुसृत्य ‘छेरा पहरा’ इति पवित्रविधौ अपि भागं गृहीतवती।

सा उक्तवती यत् दिल्ल्यां प्रायः पञ्चदशलक्षपर्यन्ताः जनाः ओडिशया सम्बद्धाः सन्ति, एषा एव अस्य महानगरस्य विशेषता यत् अत्र देशस्य सर्वेषां राज्येषां संस्कृतिनां च जनाः सहवासं कुर्वन्ति। दिल्ली सर्वान् उदारहृदयेन स्वीकुर्वती प्रत्येकस्मै नागरिकाय एतत् विश्वासं ददाति यत् एषा नगरी तेषां स्वकीया एव अस्ति।

सा ओडिशायां निवसन्तः जनान् अपि आश्वासितवती यत् दिल्ल्यां वसन्तः तेषां परिवारजनाः सुरक्षिताः सन्ति तथा दिल्ली सरकारः तेषां सर्वासां आवश्यकतानां चिन्तानां च सम्यक् ध्यानं वहति। सा एतदपि अवदत् यत् दिल्ली सरकारेण प्रथमवारं ‘उत्कल दिवस’ सरकारीस्तरे भव्यरूपेण आयोज्य समाजस्य जनानां सम्मानः कृतः।

मुख्यमन्त्री अवदत् यत् जगन्नाथ प्रभुः केवलं ओडिशावासिनां आस्थायाः केन्द्रं न, अपितु दिल्ल्यां अपि विभिन्नसमुदायानां जनाः महान् श्रद्धया भक्तिभावेन तस्य पूजां कुर्वन्ति तथा रथयात्राः आयोजयन्ति। तैः सर्वैः जनैः अभिनन्दनं कृतं ये एतां परम्परां अग्रे नेतुं योगदानं ददति।

अन्ते सा ओडिशाराज्यस्य समृद्धां सांस्कृतिकविरासतं कला साहित्य इतिहासं च प्रशंस्य उक्तवती यत् एषः प्रदेशः स्वपरम्पराभिः लोकनृत्यैः गीतैः साहित्येन च भारतस्य सांस्कृतिकैकतां सुदृढां करोति।

---------------

हिन्दुस्थान समाचार