पश्चिमी सिंहभूमः, 14 मार्चमासः (हि.स.)।पश्चिमी सिंहभूम जनपदे नगरपालिकायाḥ (सामान्य) निर्वाचनानन्तरं शनिवासरे सदर अनुमंडल कार्यालय सभागारे शपथग्रहण-समारोहः आयोजितः।

अस्मिन् अवसरे जिला-निर्वाचन-पदाधिकारी (नगरपालिका) तथा उपायुक्तः चंदन कुमार चाईबासा नगरपरिषदः नवनिर्वाचित-अध्यक्षं नितिन प्रकाश तथा नगरपरिषदस्य 21 वार्ड-पार्षदान् पद-गोपनीयता-शपथां दत्तवान्।

शपथग्रहणानन्तरं नगरपरिषदः अध्यक्षः नितिन प्रकाश अवदत् यत् नगरस्य विकासं प्राथमिकतया स्वीकृत्य सर्वैः पार्षदैः सह मिलित्वा कार्यं क्रियिष्यते। सः विश्वासं व्यक्तवान् यत् चाईबासा नगरे स्वच्छता-व्यवस्थां सुदृढीकर्तुं, आधारभूत-सुविधानां सुधारार्थं तथा नागरिकानां समस्यासमाधानाय नगरपरिषद् निरन्तरं प्रयासं करिष्यति। सः अपि अवदत् यत् जनतया प्रदत्तः विश्वासः तस्य प्रथमं कर्तव्यं भविष्यति।

समारोहे उपस्थितैः अधिकारिभिः अपि नवनिर्वाचित-जनप्रतिनिधिभ्यः शुभाशंसाः प्रदत्ताः। तैः अपेक्षा व्यक्ता यत् नगरपरिषदः प्रतिनिधीनां प्रशासनस्य च मध्ये उत्तम-सामञ्जस्येन नगरे विकास-कार्याणि शीघ्रतया प्रगतिं प्राप्स्यन्ति। नागरिकेभ्यः उत्तम-सुविधानां प्रदानार्थं योजनाः प्रभावी-रीत्या कार्यान्विताः भविष्यन्ति इति अपि उक्तम्।

अस्मिन् अवसरे सिद्धांत कुमार (सदर-अनुमंडल-पदाधिकारी) सहिताः अन्ये प्रशासनिक-अधिकारिणः उपस्थिताः आसन्। कार्यक्रमे नगरपरिषदः सर्वे नवनिर्वाचिताः पार्षदाः, जनप्रतिनिधयः अन्ये च जनाः उपस्थिताः आसन्। शपथग्रहणानन्तरं सर्वे जनप्रतिनिधयः परस्परं अभिनन्दनं कृत्वा नगरस्य विकासार्थं संयुक्तरूपेण कार्यं कर्तुं पुनः संकल्पं कृतवन्तः।

---------------

हिन्दुस्थान समाचार