Enter your Email Address to subscribe to our newsletters
खूंटीनगरम्, १४ मार्चमासः (हि.स.)।सघन–मलेरिया–उन्मूलन–कार्यक्रमस्य तृतीय–चरणस्य अन्तर्गतं खूंटी–जनपदे उच्च–आपदा–क्षेत्रेषु स्वास्थ्य–सेवानां सुदृढीकरणार्थं शनिवासरे प्रशिक्षण–कार्यक्रमः आयोजितः। एषः प्रशिक्षण–कार्यक्रमः तोरपा–सन्दर्भ–चिकित्सालये रनिया–तथा तोरपा–प्रखण्डयोः कार्यरतानां सामुदायिक–स्वास्थ्य–स्वयंसेवकानां कृते आयोजितः।
प्रशिक्षणस्य मुख्यम् उद्देश्यं स्वयंसेवकान् मलेरिया–रोगस्य निवारणम्, तस्य लक्षण–परिचयः तथा समये उपचारः इत्यादिषु विषयेषु जागरूकान् प्रशिक्षितान् च कर्तुम् आसीत्। अनेन माध्यमेन स्वयंसेवकानां क्षमता सुदृढा क्रियते, येन ते स्व स्व–क्षेत्रेषु जनान् मलेरिया–रोगस्य विषये जागरूकान् कर्तुं शक्नुवन्ति तथा अस्य रोगस्य उन्मूलने सक्रियां भूमिकां निर्वहन्ति।
प्रशिक्षण–काले मलेरिया–रोगस्य लक्षणानां परिचयः, परीक्षण–प्रक्रिया, समये औषध–उपलब्धता तथा मशक–दंशात् रक्षणस्य उपायाः इत्यादिषु विषयेषु विस्तरेण सूचना प्रदत्ता। तदतिरिक्तं स्वयंसेवकान् एतत् अपि अवगतं कृतम् यत् ते ग्रामीण–क्षेत्रेषु गृहं गृहं गत्वा जनान् मशकनिरोधिनी–उपयोगाय, स्वच्छता–पालनाय तथा ज्वर–उद्भवे त्वरित–परीक्षणाय प्रेरयन्तु।
अस्मिन् अवसरे तोरपा–क्षेत्रस्य प्रभारी–चिकित्सा–पदाधिकारी डा.अनुमिता–रानी स्वयंसेवकान् सम्बोध्य अवदत् यत् मलेरिया–उन्मूलन–अभियाने तेषां भूमिका अत्यन्तं महत्त्वपूर्णा अस्ति। सा सर्वान् स्वयंसेवकान् स्व–स्व–क्षेत्रेषु सक्रियतया कार्यं कृत्वा जनजागरूकतां वर्धयितुं आह्वानं कृतवती।
कार्यक्रमे बीपीएम आशीष–वर्मा, वीबीडी–विभागस्य उदित–भेंगरा, तथा सीनी–संस्थायाः अनिल–कुमारः, वन्दना–कुमारी, संदीप–भेंगरा इत्यादयः अपि उपस्थिताः आसन्। सर्वैः प्रशिक्षण–काले मलेरिया–नियन्त्रण–उन्मूलनयोः कृते समन्वित–प्रयत्नानां आवश्यकता इति विषये बलं दत्तम्।
हिन्दुस्थान समाचार / अंशु गुप्ता