Enter your Email Address to subscribe to our newsletters
श्रीनगरम्, 14 मार्चमासः (हि.स.)।
उपराज्यपालः मनोज सिन्हा अद्य जनतां प्रति आत्मनिरीक्षणं कर्तुं सामाजिकप्रगत्यां योगदानं दातुं च आह्वानम् अकरोत्। उपराज्यपालः अवदत् यत् स्वयम् आत्मानं पृच्छन्तु— अहं स्वसमुदायाय किं करोमि? अहं जनतायै का विरासतं निर्मिमि? आगामिपिढीनां कृते का धरोहरं त्यक्तुम् इच्छामि? भवतां अन्तःस्थिताः उत्तराः एव अस्माकं भविष्यस्य नूतनं रूपं निर्धारयिष्यन्ति।
उपराज्यपालः श्रीनगरस्य मीडिया कॉम्प्लेक्से स्थिते डीआईपीआर सभागारे “महसूस सामाजिक परिवर्तन की कहानियाँ” इति पुस्तकस्य विमोचनसमारोहे भाषमाणः आसीत्। एषा पुस्तिका सेवा भारती जम्मू कश्मीर तथा एकल विद्यालय फाउंडेशन ऑफ इंडिया इत्येतयोः स्वयंसेवकैः कृतानां निःस्वार्थसेवाया परिवर्तनकारीसामाजिकप्रयत्नानां प्रेरणादायकाः भूमिस्थकथाः प्रकाशयति। सः अवदत् यत् एषा पुस्तिका जनतायै प्रेरणादायकाः गाथाः वहति। मम इच्छा अस्ति यत् सेवा भारतीस्य त्यागाः एकल विद्यालयस्य समर्पणम् स्वयंसेवकानां प्रतिबद्धता च अस्माकं समुदायेषु जातः परिवर्तनस्य एताः कथाः जम्मू कश्मीरात् परं गच्छेयुः सम्पूर्णे भारते असंख्यकान् स्वयंसेवकान् प्रेरयेयुः।
उपराज्यपालः उक्तवान् यत् जम्मू कश्मीरे उज्ज्वलभविष्यनिर्माणस्य अपाराः सम्भावनाः सन्ति। सः अवदत् यत् जम्मू कश्मीर केन्द्रशासितप्रदेशे प्राकृतिकसम्पदा ऊर्जस्वलाः युवानः सेवाभावेन पूर्णाः नागरिकाः च सन्ति। महान् भविष्यः भाग्येन न निर्मीयते अपि तु दृढसंकल्पेन सामूहिकप्रयत्नैः च निर्मीयते। समृद्धस्य जम्मू कश्मीरस्य परिभाषा केवलं आर्थिकमानदण्डैः न भविष्यति किन्तु प्रत्येकनागरिकस्य कृते सुलभजीवनस्तरेण भविष्यति।
उपराज्यपालः जम्मू कश्मीरं अनुकरणीयं अग्रणीं च केन्द्रशासितप्रदेशं कर्तुं पञ्चसंकल्पान् निर्दिष्टवान्— सामाजिकसद्भावः परिवारजागरूकता पर्यावरणसंरक्षणम् नागरिककर्तव्यं आत्मनिर्भरता च।
प्रथमः संकल्पः सामाजिकसद्भावः अस्ति। सर्वान् नागरिकान् धैर्येण साहसेन च एकत्र आगन्तुं सः आग्रहं कृतवान् यत् समुदायानां मध्ये परस्परसम्मानं वर्धयित्वा पीढीनां संस्कृतीनां धर्माणां विचाराणां च मध्ये सेतुः निर्मीयेत। द्वितीयः संकल्पः परिवारजागरूकता अस्ति। परिवाराः मूल्यमूलकेषु दृढाः सन्तः जागरूकाः सशक्ताश्च भूत्वा आगामिपिढीनां भविष्यं आकारयन्तु। तृतीयः संकल्पः पर्यावरणसंरक्षणम् अस्ति। जम्मू कश्मीर पृथिव्याः स्वर्गः प्रकृतेः अद्वितीयं दानम् अस्ति— अस्य नद्यः पर्वताः वनानि च अस्मान् स्मारयन्ति यत् वयं अमूल्यविरासतस्य रक्षकाः स्मः। सततविकासः एव यथार्था दूरदर्शिता अस्ति। वयं सर्वे मिलित्वा एतां नूतनभाविसंततीनां कृते संरक्षामः।
चतुर्थः संकल्पः नागरिककर्तव्यं अस्ति। नागरिकैः व्यवस्था साझेदारीआधारितव्यवस्थारूपेण विकसितव्या। सशक्तं लोकतन्त्रं तत्रैव वर्धते यत्र जनाः सक्रियाः जागरूकाः उत्तरदायिनश्च भवन्ति। पञ्चमः संकल्पः आत्मनिर्भरता अस्ति। अन्यान् सशक्तीकुर्वन्तः आवश्यकतानां पूर्तये क्षमतानिर्माणे ध्यानं केन्द्रितव्यम्। वयं आर्थिकदृष्ट्या सुदृढाः भूत्वा सततप्रगत्यै संसाधनानां सुशासनं कुर्मः। एते पञ्चसंकल्पाः केवलं विचाराः न सन्ति किन्तु सुदृढसामाजिकआर्थिकविकासस्य सुनिश्चित्यै अस्माकं सामूहिकं दायित्वम् इति।
हिन्दुस्थान समाचार