चेन्नईनगरम्, १४ मार्चमासः (हि.स.)। तमिलनाडु–राज्ये अनिलकोषस्य अभावस्य कथितं समाचारं जनमानसस्य चित्तं कर्षितम्। राज्यस्य सत्तारूढ–पक्ष: द्रविड–मुनेत्र–कडगम् (द्रमुक) इत्यस्य नेतृत्वेन धर्मनिरपेक्ष–प्रगतिशील–गठबंधनं केन्द्र–सर्वकारस्य विरोधाय १५ मार्चमासे (रविवासरे) समग्र–राज्ये व्यापक–विरोध–प्रदर्शनं कर्तुं निर्णयं कृतवान्। गठबंधनस्य आरोपः यत् केन्द्र–सर्वकारस्य नीतयः च अपर्याप्त–विदेशनीतिः च गृह-तथा व्यवसायिक–अनिलकोष–आपूर्तिम् बाधितवन्तौ।

गठबंधनस्य विज्ञप्तौ उक्तम् यत् अनिलकोषाभावः केवलं गृहस्थानाम् उपरि सीमितः नास्ति, किन्तु तस्य प्रभावः भोजनालयेषु तथा लघु–मध्यम–उद्योगेषु अपि दृश्यते। यदि स्थिति: शीघ्रं सामान्या न भवति, तर्हि अनेके लघु–व्यवसायाः विरमितुं शक्नुवन्ति, यस्मात् सहस्राधिकानान जनानां आजीविका प्रभावितुं शक्नोति।

अधिकारिणः अपि उक्तवन्तः यत् तमिलनाडु–मुख्यमन्त्री एम्.के.स्टालिन: प्रधानमन्त्रिणं नरेन्द्र–मोदिं प्रति पत्रं लिखित्वा केन्द्र–सर्वकारात् त्वरित–हस्तक्षेपम् अपेक्षां कृतवान्। तथापि गठबंधनस्य अभिप्रायः यत् अद्यापि केन्द्रेण न तु जनमानसस्य चिन्ता निवारिता न च संसदे अस्य विषयस्य चर्चायै उपक्रमः कृतः।द्रमुक–नेतृत्वस्य गठबंधनं केन्द्र–सर्वकारम् तमिलनाडु–राज्यं प्रति भेदभावं कुर्वन् अस्तीति अपि आरोपितवान्। विज्ञप्तौ उक्तम् यत् वाति–अभावात् अतिरिक्तं केन्द्र–सर्वकारः राज्यं प्रति अन्यस्मिन् महत्वपूर्ण–विषये उदासीनं व्यवहारं कुर्वन् अस्ति। एषु शिक्षायाः निधीनां रोक्षणम्, महात्मा–गांधी–राष्ट्रिय–ग्रामीण–रोजगार–गारंटी–योजना (मनरेगा) अन्तर्गतं निधीनां विलम्बः, पेयजल–पाइपलाइन–परियोजनायै धन–वितरणस्य अकालं, तथा मदुरै–कोयंबटूर–मेट्रो–रेल–परियोजनासु विघ्नस्य सृजनम् इत्यादयः विषयाः सम्मिलिताः।

ततः अतिरिक्तं गठबंधनं होसुर–विमानपत्तन–परियोजनायाम् विलम्ब:, त्रिभाषा–नीतौ तमिल–भाषायाः उपेक्षां च आरोपितवान्। एतेषां सर्वेषां विषयेषु केन्द्रे सत्तारूढ–राष्ट्रिय–जनतांत्रिक–गठबंधन (राजग)–सर्वकारस्य विरोधे जनमानसस्य क्रोधः वर्धमानः इति गठबंधनस्य अभिप्रायः।विज्ञप्त्यनुसारं १५ मार्चमासे रविवासरे प्रभाते १०:३० वादनान्तरे तमिलनाडुराज्यस्य सर्वेषु जनपदेषु यूनियन-, नगर-, क्षेत्र- तथा पंचायत–स्तरे विरोध–प्रदर्शनानि आयोज्यन्ते। एषु प्रदर्शनानि द्रमुक्–सहयोगी–दलस्य सांसदाः, विधायकाः, जिला–यूनियन–स्तरीयाधिकारी, शाखा–सचिवाः, स्थानीय–निगम–प्रतिनिधयः च बहुसंख्यक–जनाः च भागं गृह्णन्ति।

गठबंधनस्य निर्देशेन स्वजनपद–सचिवाः प्रदर्शनस्य सफलताया: कृते समग्र–व्यवस्थाः सुनिश्चिता: कुर्वन्ति, यतः केन्द्र–सर्वकारस्य नीतिनां विरोधे जनता दृढतया अभिव्यक्तिं दास्यति।

हिन्दुस्थान समाचार / अंशु गुप्ता