Enter your Email Address to subscribe to our newsletters
गुवाहाटीनगरम्, १५ मार्चमासः (हि.स.)। केन्द्रीय–मन्त्री अमितशाहः असम–प्रवासे द्वितीयरविवासरे राज्यस्य स्वास्थ्य–सेवाक्षेत्रस्य योजनानां उद्घाटनं च शिलान्यास–कार्यक्रमे उपस्थितजनान् प्रति भाषणं कृत्वा आदिशक्ति–कामाख्या तथा महापुरुषान् लचित–बरफुकन्, वीर–चिलाराय, महाराज–पृथु इत्यादीन् च स्मृत्वा भाषणस्य आरम्भं कृतवान्। अस्यां प्रक्रियायां सः राहुलगांधीनं लक्ष्यम् कुर्वन् उक्तवान् — सः संसदसभायां चाय–पक्वटिकां भक्षयितुं गच्छति। राहुलगांधीने संसदस्य ज्ञानं नास्ति। संसदः जलपानस्य कृते स्थानम् नास्ति।
गुवाहाटी–नगरस्य बिरुवारीक्षेत्रे केन्द्रीय–गृह–मन्त्री शाहः प्राज्योतिष–चिकित्सा-महाविद्यलयपरिसरे आयोज्ये समारोहे प्रदेशस्य भाजपा–सर्वकारस्य च मुख्यमन्त्री डॉ.हिमंतबिस्वशर्मणः कार्यसंपादनस्य प्रशंसां कृतवान्।
सः उक्तवान् — “दशवर्षपूर्वं राज्यस्य स्वास्थ्य–सेवा अत्यन्तं निम्न–स्तरीया आसीत्। अद्य असमस्य स्वास्थ्य–सेवा पर्याप्तं उन्नता। असमप्रदेशे अनेके उत्तमानि मेडिकल–संस्थानानि निर्मितानि। कॅन्सर–संस्थानस्य निर्माणेन स्वास्थ्य–क्षेत्रे अभूतपूर्व–प्रोत्साहनं लब्धम्।” रतन–टाटाम् अपि गृह–मन्त्री शाहः स्मृतवान्। शाहः उक्तवान् — “सर्वकारी–रुग्णालये प्रोटॉन–थेरेपीयुक्तं देशस्य प्रथमराज्यं असम: भविष्यति। पूर्वोत्तरप्रदेशे कॅन्सर–रोगिणां संख्या अधिका। विपक्षदल–कांग्रेसपक्षं लक्ष्यम् कुर्वन् शाहः उक्तवान् — कांग्रेसपक्ष: स्वकुटुम्बस्य स्वास्थ्यं लक्षितवान्। राज्यवासिनां स्वास्थ्यस्य चिन्ता कांग्रेसपक्षस्य कृते नास्ति। पूर्वोत्तरप्रदेशे कॅन्सर–रोगिणां संख्या अधिका।”
कांग्रेस–विरोधं स्पष्टं कुर्वन् गृह–मन्त्री अमित शाहः उक्तवान् — असमे एव प्रधानमंत्री डॉ.मनमोहनसिंह: जातः। असमस्य स्वास्थ्य–क्षेत्रे तेन कश्चन उपायः न कृतः। कांग्रेसपक्षस्य कालावधौ स्वास्थ्य–क्षेत्रे व्यापक–भ्रष्टाचारः जातः।
सः उक्तवान् — संसदे राहुलगांधी किमपि कथयितुं न शक्नोति, धावन्तः एव स्थायिनः, यत्र भारतस्य शक्तिं दर्शनार्थं जगतः जनाः आगच्छन्ति, तत्र राहुलगांधीन: विरोधं कुर्वन्ति। भारतस्य एआई–शिखर–सम्मेलनस्य समग्रजगत् प्रशंसां करोति, तस्य सम्मेलनस्य कांग्रेसस्य विरोधं अकरौत्। मोदिन: भाजपापक्षस्य विरोधं कुर्वन् राहुलगांधी भारतस्य विरोधं करोति। अस्य कर्मण: निन्दाम् अमितशाहः कृतवान्। सः उक्तवान् — भाजपा–विरोधेन राष्ट्रस्य निन्दां करोति राहुलगांधी।
हिन्दुस्थान समाचार / अंशु गुप्ता