Enter your Email Address to subscribe to our newsletters
गुवाहाटी, 15 मार्चमासः (हि.स.)।प्रधानमन्त्रिणो नरेन्द्रमोदिनः द्विदिवसीयअसमभ्रमणस्य अनन्तरं केन्द्रीयगृहमन्त्री सहकारितामन्त्री च अमितशाह अपि द्विदिवसीये असमभ्रमणे शनिवासररात्रौ गुवाहाटीनगरम् आगतः। अद्य केन्द्रीयमन्त्री शाह प्राग्ज्योतिषमेडिकलकॉलेज इत्यस्य आधारशिलां स्थापयिष्यति। ततः सः अपराह्णे १:३० वादने प्रत्यक्षं खानापारा प्रति प्रस्थानं करिष्यति, यत्र सः युवाशक्तिसमारोह नाम कार्यक्रमे सहभागी भविष्यति तथा असमप्रदेशस्य सहस्रशः युवकयुवतीः सम्बोधयित्वा तान् प्रेरयिष्यति।
राज्ये विधानसभानिर्वाचनस्य तिथीनां घोषणा कदापि भवितुमर्हति, अतः राष्ट्रियनेतृणां निरन्तरदौरैः असमे निर्वाचनपरिस्थितिः तीव्रतां प्राप्तवती। केन्द्रीयगृहमन्त्री अमितशाह अद्य विकासस्य राष्ट्रप्रगतेः च सन्देशं वहन् असमप्रदेशं प्राप्तवान्। भारतीयजनतापार्टी इत्यया शाहस्य असमदौरस्य सफलतार्थं व्यापकव्यवस्थाः कृताः।
अद्य केन्द्रीयगृहमन्त्री गुवाहाटीनगरस्य खानापारास्थिते कॉलेजऑफवेटरिनरीसायन्स क्रीडाक्षेत्रे आयोजिते युवाशक्तिसमारोह नाम कार्यक्रमे सहभागी भविष्यति। अस्य कार्यक्रमस्य आयोजनं भारतीयजनतायुवामोर्चा असमप्रदेश द्वारा कृतम्। अस्मिन् ऐतिहासिकसभायां गृहमन्त्री समग्रराज्यात् आगतान् अधिकं १.५ लक्षाधिकान् युवान् सम्बोधयिष्यति तथा तान् असमस्य विकासयात्रायां परिवर्तनकारी भूमिकां वहितुं प्रेरयिष्यति।
अस्मिन् कार्यक्रमे तेजस्वीसूर्य, असमस्य मुख्यमन्त्री डॉ. हिमन्तबिस्वसरमा, तथा प्रदेशभाजपाध्यक्षः सांसदः दिलीपसैकिया अपि उपस्थिताः भविष्यन्ति।
हिन्दुस्थान समाचार