Enter your Email Address to subscribe to our newsletters
भोपालम्, 15 मार्चमासः (हि.स.)
हिन्दू नववर्षस्य पावनावसरे कर्मश्री संस्थया आयोजितानां सांस्कृतिककार्यक्रमाणां सम्बन्धे व्यवस्थाः तीव्रतया प्रवर्तन्ते। अस्याः श्रृंखलायाः अन्तर्गतं भारतीयजनतापार्टीदलेन सम्बद्धः विधायकः तथा कर्मश्री संस्थायाः अध्यक्षः रामेश्वर शर्मा रविवासरे मुख्यमन्त्रिणं डॉ मोहन यादवम् उपगम्य तस्मै मार्चमासस्य अष्टादशतमे दिने आयोजिते अखिलभारतीयकविसम्मेलने उपस्थितेः औपचारिकम् आमन्त्रणं दत्तवान्।
अस्मिन् साक्षात्कारकाले विधायकः शर्मा मुख्यमन्त्रिणं हिन्दू नववर्षावसरे आयोजितानां कार्यक्रमाणां रूपरेखां निवेदितवान् तथा कविसम्मेलने मुख्यातिथिरूपेण उपस्थितेः आग्रहं कृतवान्। मुख्यमन्त्री डॉ मोहन यादवः अस्य सांस्कृतिककार्यक्रमस्य प्रशंसां कृत्वा आयोजकेभ्यः शुभाशंसाः अदात् तथा कार्यक्रमे उपस्थितेः स्वीकृतिमपि प्रदर्शितवान्।
कर्मश्री संस्थया हिन्दू नववर्षस्य स्वागतार्थं अनेके धार्मिकसांस्कृतिककार्यक्रमाः आयोजिताः सन्ति। अस्याः श्रृंखलायां मार्चमासस्य पञ्चदशतमे दिने विशालः भगवायात्रा आयोजिता भविष्यति, तथा अष्टादशतमे दिने अखिलभारतीयकविसम्मेलनस्य आयोजनं भविष्यति।
एषः भव्यः कार्यक्रमः भोपालनगरस्य अटल पथ टीटी नगर इति स्थले आयोजितः भविष्यति। अस्मिन् कार्यक्रमे देशस्य विविधप्रदेशेभ्यः प्रसिद्धाः कवयः आगत्य स्वकाव्यरचनाभिः हिन्दू नववर्षोत्सवं अधिकं विशेषं करिष्यन्ति।
---------------
हिन्दुस्थान समाचार