Enter your Email Address to subscribe to our newsletters
नवदिल्ली, १५ मार्चमासः (हि.स.)। भारतीय–राष्ट्रीय–राजमार्ग–प्राधिकरणेन (एनएचएआई) अग्रिम–वित्त–वर्षाय फास्टैग–वार्षिक–पास-इत्यस्य शुल्कं ३००० रूप्यकेभ्यः वर्धयित्वा ३०७५ रूप्यकाणि कृतानि। नूतन–दराः १ एप्रिलमासात् प्रवर्तिष्यन्ते।
केन्द्रीय–मार्ग–परिवहन–राजमार्ग–मन्त्रालयेन उक्तं यत् एतत् संशोधनं राष्ट्रीय–राजमार्ग–शुल्क–(दर–निर्धारण–वसूली)–नियमाः, २००८ इत्यस्य प्रावधानानुसारं कृतः। देशे निजी–वाहन–स्वामिनां मध्ये फास्टैग–वार्षिक–पास-इत्यस्य स्वीकृतिः शीघ्रं वर्धमाना अस्ति, अद्य च अस्य ५६ लक्षाधिकाः उपयोक्तारः सन्ति। अयं वार्षिक–पासः १५ अगस्त २०२५ तिथौ आरब्धः आसीत्। प्राधिकरणस्य अनुसारं देशव्यापिनः राजमार्ग–उपयोक्तृभ्यः अस्य उत्तमः प्रतिसादः प्राप्तः।
संशोधित–शुल्कं राष्ट्रीय–राजमार्गेषु तथा राष्ट्रीय–द्रुतमार्गेषु स्थितेषु प्रायः ११५० टोल–प्लाजा-इत्येतेषु प्रवर्तिष्यते। एषा सुविधा केवलं वैध–फास्टैग–युक्तानां अवाणिज्यिक–वाहनानां कृते उपलब्धा अस्ति। फास्टैग–वार्षिक–पासः एकवारं शुल्क–भुक्तौ कृतायां एकवर्षपर्यन्तं अथवा २०० टोल–प्लाजा: अतिक्रमणपर्यन्तं मान्यः भवति। एतेन पुनः पुनः फास्टैग–रिचार्ज-इत्यस्य आवश्यकता न भवति।
प्राधिकरणेन उक्तं यत् एकसार्धं शुल्कस्य भुक्तानन्तरं अयं पासः द्वे घण्टे अभ्यन्तरे वाहनसम्बद्धे वर्तमान–फास्टैगे सक्रियः भवति। अस्य कृते राजमार्ग–यात्रा–अनुप्रयोगेन अथवा प्राधिकरणस्य जालपुटेन माध्यमेन भुक्तिः कर्तुं शक्यते।
हिन्दुस्थान समाचार / अंशु गुप्ता