Enter your Email Address to subscribe to our newsletters
जौनपुरम्, 15 मार्चमासः (हि.स.)। उत्तरप्रदेशस्य जौनपुरजिल्लायां क्रीडानिदेशालय उत्तरप्रदेश लखनऊस्य निर्देशानुसारं जिलाक्रीडाकार्यालयेन रविवासरे सिद्धीकपुरस्थे इन्दिरा गान्धी क्रीडाङ्गणे जूनियर बालकबालिकानां एथलेटिक्स प्रतियोगिता, जूनियर बालिकानां कबड्डी प्रतियोगिता तथा जूनियर बालिकानां वॉलीबॉल प्रतियोगिता आयोजिताः। अस्मिन् प्रतियोगितायां जनपदस्य विविधविद्यालयेभ्यः बहवः क्रीडकाः उत्साहपूर्वकं सहभागित्वं कृतवन्तः।
कार्यक्रमस्य मुख्यातिथिः राजकीय औद्योगिक प्रशिक्षण संस्थान जौनपुरस्य प्रधानाचार्यः मनीषकुमार पाल प्रतियोगितायाः उद्घाटनं कृतवान् तथा सायंकाले आयोजिते पुरस्कारवितरणसमारोहे विजेतृउपविजेतृसमूहान् तथा एथलेटिक्सस्य व्यक्तिगतस्पर्धासु शीर्षत्रयस्थानं प्राप्तवन्तः क्रीडकान् निर्णायकान् च सम्मानितवान्। अस्मिन् अवसरे क्रीडाधिकारी चन्दनसिंहः अङ्गवस्त्रं समर्प्य मुख्यातिथेः स्वागतं कृतवान्। स्वस्य सम्बोधने मनीषकुमार पाल क्रीडकानां उज्ज्वलभविष्यस्य कामनां कृत्वा अनुशासनस्य निरन्तराभ्यासस्य च महत्त्वं प्रकाशयत्।
जूनियर बालिका वॉलीबॉल प्रतियोगितायाः प्रथमसेमीफाइनलस्पर्धायां कड़ैला मल्हनी दलं एस एस पब्लिक स्कूल दलं २५ १५, २५ १८ इत्यनेन पराजितवती। द्वितीयसेमीफाइनलस्पर्धायां आर यू कॉन्वेंट स्कूल दलं शिवबरन शिक्षण संस्थान दलं २५ १७, २५ १५ इत्यनेन जित्वा फाइनलस्पर्धायां प्रविष्टम्। अन्तिमस्पर्धायां आर यू कॉन्वेंट स्कूल दलं कड़ैला मल्हनी दलं २५ २०, २५ १९ इत्यनेन पराजित्य विजयोपाधिं प्राप्तवान्।
जूनियर बालिका कबड्डी प्रतियोगितायाः प्रथमसेमीफाइनलस्पर्धायां मड़ियाहूं दलं सहकारी इंटर कॉलेज मेहरावां दलं २६ ०६ इत्यनेन जितवती। द्वितीयसेमीफाइनलस्पर्धायां स्टेडियम दलं सहकारी पी जी कॉलेज मेहरावां दलं २६ ११ इत्यनेन पराजितवती। अन्तिमस्पर्धायां मड़ियाहूं दलं स्टेडियम दलं ३५ १९ इत्यनेन पराजित्य विजेता अभवत्।
जूनियर बालक एथलेटिक्स प्रतियोगितायां १०० मीटर धावने अंश यादव प्रथमस्थानं प्राप्तवान्, २०० मीटर धावने अंकित पटेल, ४०० मीटर तथा ८०० मीटर धावने चंचल मौर्यः, १५०० मीटर धावने आशीष यादवः, ३००० मीटर तथा २००० मीटर स्टीपल चेज धावने श्रेयांश यादव, ११० मीटर बाधाधावने अंकित पटेल, ४०० मीटर बाधाधावने आकाश पटेल, दीर्घकूदस्पर्धायां विकास गुप्त, जैवलिन थ्रो स्पर्धायां अर्पितकुमार यादव तथा शॉटपुट स्पर्धायां सिद्धार्थ तिवारी प्रथमस्थानं प्राप्तवन्तः।
प्रतियोगितायाः अन्ते विजेतृक्रीडकान् सम्मान्य तेषां उत्साहवर्धनं कृतम्।
हिन्दुस्थान समाचार