Enter your Email Address to subscribe to our newsletters
रांची, 15 मार्चमासः (हि.स.)। सामान्यजनान् यातायातनियमानां प्रति जागरूकान् कर्तुं उद्देश्येन राँची नगरे यातायातपुलिसेन रविवासरे विशेषः जागरूकताअभियानः सञ्चालितः। अस्य अभियानस्य अन्तर्गतं जनान् मार्गेषु सुरक्षितरीत्या वाहनचालनस्य तथा यातायातनियमानां कठोरतया पालनस्य अपीलः कृतः।
अभियानकाले जनान् विस्तरेण अवगतं कृतम् यत् मोटरसायकलचालनेन सह हेलमेटधारणम्, कारचालने सीटबेल्टधारणम्, त्रिराइडिङ् (त्रयाणां जनानां सह एकस्मिन् मोटरसायकले गमनम्) न करणीयम्, मद्यपानानन्तरं वाहनचालनम् न करणीयम्, तथा च तीव्रवेगेन अथवा असावधानतया वाहनं न चालनीयम्। अपि च यातायातनियमानां उल्लङ्घनेन उत्पद्यमानानां दुर्घटनानां हानिनां च विषये अपि जनाः जागरूकाः कृताः।
कार्यक्रमस्य अन्तर्गते नगरे बाइकयात्रा अपि आयोजिता। एषा यात्रा बिरसाचौकात् आरभ्य अरगोड़ा चौक मार्गेण गत्वा फिरायालाल चौक पर्यन्तं प्राप्नोत्। अस्मिन् काले सामान्यजनाः यातायातनियमानां पालनाय प्रेरिताः। तदतिरिक्तं विविधेषु स्थानेषु नुक्कड़नाटकस्य आयोजनं कृत्वा अपि जनान् मार्गसुरक्षायाः सन्देशः प्रदत्तः।इदम्अभियानं वरीयपुलिसअधीक्षकस्य (एसएसपी) राकेशरंजनस्य निर्देशेन सञ्चालितः। यातायातपुलिसअधीक्षकः राकेशसिंहः नेतृत्वे यातायातपुलिसदलम् सम्पूर्णकार्यक्रमस्य संचालनं कृतवान्।
अस्मिन् अवसरे राँची नगरक्षेत्रस्य अनेके पुलिसउपाधीक्षकाः, यातायातपुलिसस्य अधिकारीणः, स्थानीयथानाध्यक्षाः, ट्रैफिकप्रभारिणः तथा अन्ये पुलिसपदाधिकारिणः कर्मचारिणः च उपस्थिताः आसन्।
---------------
हिन्दुस्थान समाचार