कोलकातानगरम्, १४ मार्चमासः (हि.स.)। प्रधानमन्त्री नरेन्द्रमोदी शनिवासरे ब्रिगेड–संचलन–प्रांगणे भाजपा–महासभायां पश्चिम–बङ्गाल–राज्यस्य तृणमूल–काङ्ग्रेस–शासनस्य तीव्रं समालोचनं कृतवान्। सः अवदत् यत् आगामि–विधानसभा–निर्वाचनम् केवलं शासन–परिवर्तनस्य न, अपितु “बङ्गालस्य आत्मानं रक्षितुं निर्वाचनम्” अस्ति।

मोदी अवदत् यत् तृणमूल–काङ्ग्रेस–शासने राज्ये अराजकता, तुष्टीकरण–नीतिः, भ्रष्टाचारः तथा भयस्य वातावरणं वर्धितम् अस्ति। सः आरोपितवान् यत् अवैध–प्रवेशकानां संरक्षणं, मतदाता–सूची–शुद्धिकरणस्य विरोधः तथा भय–धमकी–आधारित राजनीति राज्ये प्रचलिता अस्ति।

प्रधानमन्त्री उक्तवान् यत् भाजपा–शासनस्य आगमनेन विधेः शासनं स्थापितं भविष्यति तथा अपराधिनः, भ्रष्टाचारिणः अवैध–प्रवेशकाः च दण्डं प्राप्स्यन्ति। तेन अपि उक्तं यत् तृणमूल–काङ्ग्रेस–शासने दलिताः, आदिवासिनः तथा दरिद्राः अधिकं पीडिताः सन्ति।

मोदी अवदत् यत् तृणमूल–काङ्ग्रेस–शासनं केन्द्रीय–योजनानां कार्यान्वयनं अपि बाधते, किन्तु यदि परिवर्तनं भवति तर्हि निर्धनजनाः पक्वगृहं, आयुष्मान–स्वास्थ्य–पत्रकम् इत्यादिनां योजनानां लाभं प्राप्स्यन्ति।

अन्ते सः अवदत् यत् एतत् निर्वाचनं केवलं शासन–परिवर्तनस्य न, अपितु व्यवस्था–परिवर्तनस्य तथा “कट–मनी”–प्रथायाः उन्मूलनस्य निर्वाचनम् अस्ति।

हिन्दुस्थान समाचार / अंशु गुप्ता