नवदिल्ली, १५ मार्चमासः (हि.स.)। प्रधानमन्त्रिणा नरेन्द्र–मोदिना लोकसभाध्यक्षस्य ओम–बिरलायाः विरुद्धे प्रस्तुतः अविश्वास–प्रस्तावः अस्वीकृतः इत्यनन्तरं तस्य धैर्यस्य, संयमस्य निष्पक्षतायाः च प्रशंसा कृता। सः अवदत् यत् सदनस्य सञ्चालनकाले बिरला संसदीय–मर्यादानां नियमानां च पालनं कृत्वा संतुलितां भूमिकां निर्वहति स्म। अस्मिन् पत्रे ओम–बिरला प्रधानमन्त्रिणं प्रति धन्यवादं व्यक्तवान्।

प्रधानमन्त्री नरेन्द्र–मोदी लोकसभाध्यक्षं ओम–बिरलां प्रति पत्रं लिखित्वा अपि उक्तवान् यत् सदनेन अविश्वास–प्रस्तावस्य अस्वीकारेण लोकतान्त्रिक–संस्थानां गरिमां तथा संसदीय–परम्परा: प्रति स्पष्टः संदेशः दत्तः। तेन बिरलायाः तस्य वक्तव्यस्य अपि प्रशंसा कृता, यस्मिन् संसदीय–इतिहासस्य, अध्यक्षस्य उत्तरदायित्वानां तथा नियमानां सर्वोच्चतायाः विषये बलं दत्तम् आसीत्। प्रधानमन्त्रिणा एतत् वक्तव्यं संतुलितं धैर्यपूर्णं च इति निर्दिष्टम्।पत्रे प्रधानमन्त्रिणा उक्तं यत् लोकतन्त्रे मतभेदाः स्वाभाविकाः सन्ति, किन्तु असहमत्याः असम्मानस्य च मध्ये भेदः अवश्यम् अस्ति। संसद् संवादस्य, तर्कस्य विचार–विमर्शस्य च सर्वोच्चः मंचः अस्ति, अत्र युवानां, महिलानां सर्वेषां वर्गाणां च स्वराय स्थानं दातव्यं।

प्रधानमन्त्रिणा बिरलायाः कार्यशैल्याः सार्वजनिक–जीवने तस्य समर्पणस्य च प्रशंसा अपि कृता। तेन राजस्थानस्य कोटा–नगरे विमानस्थल–परियोजनायाः शिलान्यासे तस्य सक्रिय–भूमिकायाः उल्लेखः कृतः, तथा सः स्वस्य संसदीय–क्षेत्रस्य राष्ट्रीय–उत्तरदायित्वानां च मध्ये संतुलनं स्थापयित्वा कार्यं करोति इति उक्तम्।

प्रधानमन्त्रिणः पत्रे ओम–बिरला आभारं व्यक्तवान्। सः अवदत् यत् नरेन्द्र–मोदी संसदीय–लोकतन्त्रस्य नियमेषु, प्रक्रियासु परम्परासु च गम्भीरं सम्मानं धारयति। एतत् पत्रं सार्वजनिक–जीवने उच्च–नैतिक–मूल्यानां उदाहरणं अस्ति तथा सर्वेषां सांसदानां कृते प्रेरणादायकम्।तेन उक्तं यत् एषः संदेशः दलगत–सीमा: अतिक्रम्य संसदः, राज्य–विधानमण्डलानां स्थानीय–निकायानां च सर्वान् जन–प्रतिनिधीन् प्रेरयिष्यति, तथा स्वातन्त्र्य–सैनिकैः संविधान–सभाया: सदस्यैः च स्थापितस्य लोकतन्त्रस्य सुदृढ–नैतिक–आधारं अधिकं दृढं करिष्यति।

उल्लेखनीयं यत् विपक्ष–दलैः लोकसभाध्यक्षस्य विरुद्धे अविश्वास–प्रस्तावस्य सूचना प्रदत्ता आसीत्। एषः प्रस्तावः काङ्ग्रेस–सांसदेन मोहम्मद–जावेदेन प्रस्तुतः, यस्य समर्थनं पञ्चाशत्–अधिकैः विपक्षी–सांसदैः प्राप्तम्। विपक्षेन आरोपः कृतः यत् अध्यक्षः सदन–कार्यवाह्यां पक्षपातपूर्णं व्यवहारं कृतवान् तथा विपक्षीय–सदस्येभ्यः पर्याप्तः अवसरः न दत्तः।

११ मार्चमासे लोकसभायां अस्मिन् प्रस्तावे चर्चा अभवत्। चर्चाकाले लोकसभायाः कार्यवाह्याः अध्यक्षता भाजपा–सांसदेन जगदम्बिका–पालेन कृता। ओम–बिरला नैतिकाधारेण स्वयम् चर्चायाः प्रक्रियातः पृथक् स्थितवान्। अन्ततः ध्वनिमतेन अविश्वास–प्रस्तावः अस्वीकृतः अभवत् तथा सदनं स्थगितम् अभवत्। ततः अनन्तरदिने ओम–बिरला पुनः अध्यक्ष–आसनं स्वीकृत्य सदनं सम्बोधितवान्।

हिन्दुस्थान समाचार / अंशु गुप्ता