Enter your Email Address to subscribe to our newsletters
लखनऊ, 15 मार्चमासः (हि.स.)।
बहुजन समाजदलस्य राष्ट्रिय अध्यक्षा तथा उत्तर प्रदेश की पूर्वमुख्यमंत्री मायावती उक्तवती यत् बाबा साहेब डॉ भीमराव आंबेडकरस्य पदचिह्नानुसारं गच्छन्ती बहुजन समाजदलम् एव बहुजनसमाजस्य हितकल्याणोन्नत्यर्थं वास्तविकं दलम् अस्ति। समाजवादी पार्टी तथा अन्य विपक्षीयदलानां वचनस्य कर्मणश्च मध्ये महान् भेदः अस्ति। तादृशानां दलानां छलप्रदर्शनात् सावधानता आवश्यकास्ति।
बसपा प्रमुखा मायावती रविवासरे लखनऊनगरस्य माल एवेन्यू स्थिते केन्द्रीय कैम्पकार्यालये कांशीरामस्य चित्रे पुष्पाञ्जलिं समर्प्य तस्मै भावपूर्णां श्रद्धाञ्जलिं अर्पितवती। ततः परं सा वरिष्ठनेतॄन् सम्बोधितवती। अस्मिन् अवसरि तया विपक्षीयदलानां प्रति तीक्ष्णः प्रहारः कृतः।
सा अवदत् यत् दलितानाम् अन्यपिछडावर्गाणां मुस्लिमसमाजस्य च सर्वेषु स्तरेषु शोषणं कुर्वन्ति ये दलाः तेषु विशेषतः समाजवादी पार्टी इत्यस्य तथाकथितं पीडीए प्रेम केवलं छलमात्रम् अस्ति। एतेषां दलानां कृते एते वर्गाः तथा तेषां महापुरुषाः केवलं निर्वाचनसमये एव स्मर्यन्ते। शासनं प्राप्ते सति ते अन्यदलानामिव एतान् वर्गान् उपेक्षन्ति। एषः तेषां इतिहासः अस्ति।
तया उक्तं यत् मुस्लिमसमाजस्य एतेभ्यः दलभ्यः बहुधा पृथक्करणेन तथा ब्राह्मणसमाजस्य अपि बहुजन समाज पार्टी सह सम्बद्धतया समाजवादी पार्टी दलस्य राजनैतिकः जातीयद्वेषभावः वर्धमानः अस्ति।
कैम्पकार्यालये आयोजिते कार्यक्रमे सा बहुजनसमाजस्य जनान् आहूतवती यत् एतेषां दलानां सर्वप्रकारेण छलप्रदर्शनात् सावधानाः भवितव्यम्। सा अपि अवदत् यत् कांग्रेस पार्टी संविधाननिर्मातारं डॉ भीमराव आंबेडकरं भारतरत्नेन न सम्मानितवती। वर्तमानकाले केन्द्रे स्थितापि भारतीय जनता पार्टी सर्वकारः मान्यवरं कांशीरामं भारतरत्नेन सम्मानयितुं विलम्बं करोति।
बसपा प्रमुखा अवदत् यत् देशे संविधानानुसारं समतामूलकसमाजस्य निर्माणे तयोः योगदानम् ऐतिहासिकम् अस्ति। अतः एव ते जनानां हृदयेषु वसन्ति। सा कार्यकर्तॄन् आह्वयत् यत् बहुजनसमाजस्य जनाः बहुजन समाज पार्टी आन्दोलनस्य सह संयुज्य मिशनरी आंबेडकरवादिनः भवन्तु तथा स्वमतशक्त्या सत्ताया मुख्यकुञ्जिकां प्राप्नुयुः।
उल्लेखनीयम् अस्ति यत् मायावत्याः निर्देशेन राजधानी लखनऊस्थिते कांशीराम स्मारकस्थले प्रदेशस्य द्वादशमण्डलानां तथा नोएडानगरस्य षट्मण्डलानां कार्यकर्तारः समर्थकाः च एकत्र समागताः। राजधानीस्थिते अस्मिन् कार्यक्रमे बसपा प्रदेशाध्यक्षः विश्वनाथ पाल सहिताः अनेके पदाधिकारिणोऽपि सम्बोधनम् अकुर्वन्।
---------------
हिन्दुस्थान समाचार