अयोध्यायां १९ मार्च दिने श्रीराममन्दिरे वर्षप्रतिपदा महोत्सवः भविष्यति। अस्मिन् अवसरॆ राष्ट्रपतिः द्रौपदी मुर्मूः श्रीरामयन्त्रस्य स्थापना करिष्यति।

लखनऊ, १६ मार्च। राष्ट्रीयस्वयंसेवकसंघस्य सरकार्यवाहः दत्तात्रेय होसबाले चैत्रनवरात्रात् पूर्वं १८ मार्च दिने उत्तरप्रदेशस्य राजधानी लखनऊ नगरं आगमिष्यति। सरकार्यवाहः होसबाले १९ मार्च दिने अयोध्यायां श्रीराममन्दिरे आयोजिते वर्षप्रतिपदा महोत्सवे सहभागी भविष्यति। अस्मिन् कार्यक्रमे राष्ट्रपतिः द्रौपदी मुर्मू मुख्यातिथिरूपेण उपस्थिताः भविष्यन्ति।

संघस्य प्रतिनिधिसभा २०२६ सम्पन्ना अभवत्, तदनन्तरं सरकार्यवाहस्य एषः प्रथमः उत्तरप्रदेशदौरः भविष्यति। प्रतिनिधिसभायाः पूर्वं सरसंघचालकः डॉ. मोहन भागवत अपि उत्तरप्रदेशदौरे आगतः आसीत्।

एतां सूचनां दत्त्वा श्रीरामजन्मभूमितीर्थक्षेत्रस्य व्यवस्थाधिकारी गोपालः हिन्दुस्थानसमाचाराय अवदत् यत् अस्मिन् महोत्सवे राष्ट्रपतिः श्रीराममन्दिरस्य द्वितीयतले स्थिते गर्भगृहे श्रीरामयन्त्रस्य स्थापना अपि करिष्यति।

तेन उक्तं यत् वर्षप्रतिपदा महोत्सवे श्रीरामजन्मभूमितीर्थक्षेत्र ट्रस्टस्य पक्षतः सप्तसहस्राणि जनाः आमन्त्रिताः सन्ति। आमन्त्रिताः जनाः १८ मार्च दिने अयोध्यां प्राप्तुं निवेदिताः सन्ति। सर्वेषां जनानां निवासभोजनादीनां व्यवस्था श्रीरामजन्मभूमितीर्थक्षेत्र ट्रस्टस्य पक्षतः कृता अस्ति।

१९ मार्च दिने एव नवरात्रारम्भः भविष्यति, अतः कार्यक्रमस्थले उपवासार्थं फलाहारस्य तथा पेयजलस्य व्यवस्था अपि भविष्यति। कार्यक्रमस्य अनन्तरं अतिथीनां रामललायाः दर्शनं अपि कारयिष्यते।

हिन्दुस्थान समाचार