Enter your Email Address to subscribe to our newsletters
-जिल्लाधिकारी डॉ. अंबेडकरः नगरं महूं प्राप्य व्यवस्थाभ्यः दत्तवान् अंतिमं रूपम्
इंदौरम्, 16 मार्चमासः (हि.स.)।मध्यप्रदेशस्य इंदौर जनपदे प्रतिवर्षवत् अस्मिन् वर्षे अपि १४ एप्रिलदिनाङ्के भीमराव रामजी अम्बेडकर जयंती उत्सवसमारोहः पूर्णोत्साहेन श्रद्धया च तस्य जन्मस्थले डॉ. अंबेडकर नगर (महू) इति स्थले आयोज्यते। अस्मिन् दिने डॉ. अम्बेडकरस्य जन्मस्थलीस्मारके विशालः समागमः भविष्यति।
एषा सूचना सोमवासरे इन्दौरस्य कलेक्टरः शिवम् वर्मा इत्यनेन डॉ. अम्बेडकरनगरम् (महू) गत्वा तत्र व्यवस्थापनतैयारीणां निरीक्षणं कुर्वन् प्रदत्ता। तेन उक्तं यत् जयंतीउत्सवे आगच्छन्तः श्रद्धालवः अतिथिवत् राज्यशासनेन सत्कारं प्राप्स्यन्ति। श्रद्धालूनां कृते आवासभोजनशीतलपेयजलादीनां विशेषव्यवस्था क्रियते। जन्मस्थले निर्मिते भव्यस्मारके विशेषसज्जा भविष्यति। पुष्पैः विद्युत्प्रकाशैश्च अलङ्कारः क्रियते।
कलेक्टर वर्मा डॉ. अम्बेडकरनगर (महू) इत्यत्र जयंतीउत्सवस्य व्यवस्थापनकार्याणां समीक्षा कृत्वा तेषां अन्तिमरूपं दत्तवान्। तेन आयोजनव्यवस्थासम्बद्धानाम् अधिकारिणां सभा अपि आहूता। तेन डॉ. बाबा साहेब अम्बेडकरस्य जन्मस्थले निर्मितस्य स्मारकस्य अवलोकनं कृत्वा तत्र कर्तव्यव्यवस्थाः अपि निरीक्षिताः। अस्यां सभायाम् अपरकलेक्टरः रिंकेश वैश्य, अतिरिक्तपुलिसाधीक्षकः रुपेश द्विवेदी, एसडीएम राकेश परमार इत्यादयः अन्ये अधिकारी अपि उपस्थिताः आसन्।
कलेक्टर वर्मा अधिकारिणः निर्देशितवान् यत् श्रद्धालूनां किमपि क्लेशं न भवेत् इति प्रकारेण सर्वाः व्यवस्थाः सुनिश्चिताः क्रियन्ताम्। सर्वाणि कार्याणि निश्चितसमयसीमायां पूर्णानि क्रियन्ताम्।
अस्मिन् अवसरॆ उक्तं यत् जयंतीउत्सवे १४ एप्रिल २०२६ दिनाङ्के अम्बेडकरसंस्थानेन प्रभातफेरी आयोजिताऽ भविष्यति, या महूक्षेत्रेषु परिभ्रमणं करिष्यति। तस्मात् पूर्वं १३ एप्रिलरात्रौ अम्बेडकरजन्मस्थले संस्थानेन भजनसन्ध्यायाः आयोजनम् अपि भविष्यति।
अम्बेडकरजयंतीउत्सवे अन्येभ्यः प्रदेशेभ्यः तथा मध्यप्रदेशस्य अन्यप्रदेशेभ्यः अपि श्रद्धालवः आगमिष्यन्ति। श्रद्धालूनाम् आगमनक्रमः १२ एप्रिलसायंकालात् आरभ्य भविष्यति। तेषां भोजनव्यवस्था स्वर्गमन्दिरपरिसरे क्रियते। एषा व्यवस्था १२ एप्रिलसायंकालात् आरभ्य १४ एप्रिलसायंकालपर्यन्तं प्रवर्तिष्यते।
भिक्षूणां भोजनव्यवस्था माहेश्वरीविद्यालये भविष्यति तथा तेषां निवासव्यवस्था अपि तत्रैव करिष्यते। श्रद्धालूनां सुविधार्थं पर्याप्तसंख्यया अस्थायिशौचालयानां निर्माणं क्रियते। पेयजलव्यवस्थार्थं विविधेषु स्थानेषु प्याऊ (जलवितरणस्थानानि) निर्मीयन्ते।
अम्बेडकरजयंतीकाले आगच्छन्तां श्रद्धालूनां निवासार्थं धर्मशालासु, केन्टबोर्ड उच्चतरमाध्यमिकविद्यालये तथा केन्टबोर्ड कन्याविद्यालये अपि व्यवस्था क्रियते। तदतिरिक्तं त्रयः विशालाः डोममण्डपाः अपि निवासार्थं निर्मीयन्ते।
कार्यक्रमव्यवस्थापनार्थं कार्यक्रमस्थलानि सप्तसु क्षेत्रेषु विभक्तानि सन्ति। एते क्षेत्राः महेश्वरीविद्यालय महू, डॉ. अम्बेडकर जन्मस्थली, केन्ट प्रायमरी विद्यालय, स्वर्गमन्दिर परिसर, रेल्वेस्टेशनात् सप्तरस्तापर्यन्तं मार्गः, केन्टबोर्ड कन्याविद्यालय तथा उत्कृष्टविद्यालय महू इत्यादिषु निर्मीयन्ते।
एतेषु सप्तसु क्षेत्रेषु दलानि निर्माय सर्वेषां विभागानां कर्मचारिणां नियुक्तिः क्रियते। आगच्छतां श्रद्धालूनां सुविधार्थं मराठीभाषाभाषिणां शिक्षकाणां नियुक्तिः अपि क्रियते।
कार्यक्रमव्यवस्थापनार्थं त्रिषु स्थानेषु नियन्त्रणकक्षाः (कन्ट्रोलरूम्) स्थाप्यन्ते। एते नियन्त्रणकक्षाः तहसीलपरिसर महू, अम्बेडकरजन्मस्थलीस्मारक तथा स्वर्गमन्दिरपरिसरे स्थाप्यन्ते।
समारोहकाले महू नगरे षट्सु स्थानेषु आकस्मिकचिकित्सायाः विशेषव्यवस्था भविष्यति। स्वास्थ्यविभागेन चिकित्सकदलस्य गठनं कृत्वा तेषां नियुक्तिः क्रियते।
कार्यक्रमे स्वच्छताव्यवस्थार्थं इंदौर नगर निगमस्तथा स्थानीयनिकायात् सफाईकर्मचारिणां नियुक्तिः क्रियते। समारोहकाले अग्निशमनव्यवस्था अपि सुनिश्चितीक्रियते।
---------------
हिन्दुस्थान समाचार