Enter your Email Address to subscribe to our newsletters
कोलकाता, 16 मार्चमासः (हि.स.)। पश्चिमबङ्गालविधानसभानिर्वाचनस्य घोषणानन्तरं निर्वाचनायोगेन राज्यस्य प्रशासनिकसंरचनायां व्यापकपरिवर्तनानि कृत्वा अधुना पुलिसस्य उच्चस्तरे अपि फेरबदलः कृतः। मतदानकार्यक्रमस्य घोषणायाः चतुर्विंशतिघण्टाभ्यन्तरे एव कोलकातानगरस्य पुलिसआयुक्तः तथा राज्यपुलिसस्य कार्यवाहकमहानिदेशकः परिवर्तितौ।
निर्वाचनायोगेन कोलकातानगरस्य पुलिसआयुक्तः सुप्रतिम सरकारः स्वपदात् अपसारितः। तस्य स्थाने १९९६ संवत्सरस्य आईपीएस अधिकारी अजयकुमार नन्दा इति नामकः नूतनः पुलिसआयुक्तः नियुक्तः। तथैव पियूष पाण्डेयस्य स्थाने १९९२ संवत्सरस्य आईपीएस अधिकारी सिद्धिनाथ गुप्तः राज्यस्य कार्यवाहकः पुलिसमहानिदेशकः तथा पुलिसमहानिरीक्षकः नियुक्तः।
अतिरिक्तपुलिसमहानिदेशकः (कानूनव्यवस्था) विनीत गोयलः अपि स्वपदात् अपसारितः। तस्य स्थाने १९९५ संवत्सरस्य आईपीएस अधिकारी अजय मुकुन्द रनाडे अस्य पदस्य दायित्वं प्राप्तवान्। तथैव १९९१ संवत्सरस्य आईपीएस अधिकारी नटराजन रमेशबाबू महानिदेशकः (कारागार) इति पदे नियुक्तः।
निर्वाचनायोगेन निर्देशः दत्तः यत् नूतनः पुलिसआयुक्तः तथा नूतनः कार्यवाहकः डीजी सोमवासरे अपराह्णे त्रिवादनपर्यन्तं स्वकार्यभारं स्वीकर्तुमर्हतः।
उल्लेखनीयम् यत् रविवासरे दिल्लीनगरात् निर्वाचनकार्यक्रमस्य घोषणासमये मुख्यनिर्वाचनायुक्तः ज्ञानेश कुमार स्पष्टतया उक्तवान् यत् कानूनव्यवस्थां रक्षन् शान्तिपूर्णं निष्पक्षं हिंसारहितं च निर्वाचनं सम्पन्नं कर्तुं आयोगस्य प्रमुखा जिम्मेदारी अस्ति।
अस्यैव क्रमस्य अन्तर्गतं मतदानकार्यक्रमस्य घोषणानन्तरं कतिपयेषु घण्टेषु राज्यस्य मुख्यसचिवा नन्दिनी चक्रवर्ती तथा गृहसचिवः जगदीश प्रसाद मीणा अपि स्वपदाभ्यां अपसारितौ। तयोः स्थाने क्रमशः दुश्मन्त नारियाला तथा संगमित्रा घोष नियुक्तौ।
एतेषां परिवर्तनानाम् अनन्तरं एव एतादृशाः अनुमानाः कृताः आसन् यत् पुलिसप्रशासनस्य उच्चस्तरे अपि शीघ्रं परिवर्तनं भविष्यति। एतत् सोमवासरस्य प्रातःकाले निर्वाचनायोगेन वास्तवतः कार्यान्वितं कृतम्।--------------
हिन्दुस्थान समाचार