Enter your Email Address to subscribe to our newsletters
कोलकाता, 16 मार्चमासः (हि.स.)। पश्चिमबङ्गालविधानसभानिर्वाचनस्य घोषणायाः केवलं कतिपयघण्टानां अन्तरे एव भारतनिर्वाचनायोगेन राज्यस्य शीर्षप्रशासनिकस्तरे महत्त्वपूर्णः परिवर्तनः कृतः। आयोगेन मुख्यसचिवा नन्दिनी चक्रवर्ती तथा गृहमुख्यसचिवः जगदीश प्रसाद मीणा स्वस्वपदाभ्यां अपसारितौ। आयोगेन स्पष्टतया उक्तं यत् निर्वाचनप्रक्रिया समाप्तेः पर्यन्तं एतौ अधिकारी निर्वाचनसम्बद्धेषु कार्येषु कस्यामपि भूमिकायां न नियुक्तौ भविष्यतः।
निर्वाचनायोगेन नन्दिनी चक्रवर्ती इत्यस्याः स्थाने १९९३ वर्षस्य भारतीयप्रशासनिकसेवायाः अधिकारी दुश्मन्त नारियाला नूतनः मुख्यसचिवः नियुक्तः। तथैव १९९७ वर्षस्य भारतीयप्रशासनिकसेवायाः अधिकारिणी संघमित्रा घोष राज्यस्य नूतना गृहमुख्यसचिवा नियुक्ता। आयोगेन उभाभ्यामपि अधिकारिभ्याम् सोमवासरे अपराह्णे त्रिवादनपर्यन्तं कार्यभारग्रहणस्य निर्देशः दत्तः।
निर्वाचनायोगेन पश्चिमबङ्गालविधानसभानिर्वाचनस्य कार्यक्रमः रविवासरे घोषितः आसीत्, तस्य घोषणायाः कतिपयघण्टानन्तरमेव अयं प्रशासनिकपरिवर्तनः कृतः। कार्यक्रमघोषणया सह राज्ये आदर्शाचारसंहिता अपि प्रवर्तिता, यस्याः अन्तर्गतं निर्वाचनायोगस्य प्रशासनिकाधिकारिणां स्थानान्तरणे नियुक्तौ च विशेषाधिकारः भवति।
निर्वाचनकाले आयोगः पूर्वमपि राज्यस्य पुलिसप्रशासनिकाधिकारिषु परिवर्तनानि कृतवान्। निर्वाचनात् पूर्वं पुलिसअधीक्षकानां तथा कोलकातापुलिसआयुक्तस्य अपि स्थानान्तरणस्य उदाहरणानि दृश्यन्ते। गृहमुख्यसचिवस्तरे अपि पूर्वं परिवर्तनानि अभवन्, किन्तु मुख्यसचिवस्तरे अद्यतनवर्षेषु एतादृशः परिवर्तनः दुर्लभः मन्यते।
अस्याः घटनायाः पूर्वं २०१९ वर्षस्य लोकसभानिर्वाचनकाले आयोगेन पश्चिमबङ्गालस्य तत्कालीनः गृहमुख्यसचिवः अत्रि भट्टाचार्य अपि पदात् अपसारितः आसीत्। तदा आयोगेन आरोपः कृतः यत् तस्य केचन कार्याः निर्वाचनायोगस्य निर्देशानुसारं न आसन्। तस्मिन्नेव निर्वाचनकाले सीआईडी संस्थायाः अतिरिक्तमहानिदेशकपदे नियुक्तः राजीव कुमार अपि स्वकर्तव्येभ्यः अपसारितः आसीत्।
नूतनः मुख्यसचिवः दुश्मन्त नारियाला पूर्वं राज्यस्य उत्तरबङ्गविकासविभागे अतिरिक्तमुख्यसचिवपदे कार्यरतः आसीत्। सः आपदाप्रबन्धननागरिकसुरक्षाविभागस्य उत्तरदायित्वमपि वहितवान्। तस्य अतिरिक्तं सः सिंचाईविभागस्य अतिरिक्तभारमपि निरीक्षितवान्।
नूतना गृहमुख्यसचिवा संघमित्रा घोष पूर्वं महिला बालविकासविभागस्य प्रधानसचिवा आसीत्। अस्मिन् पदे सा राज्यस्य महिला बालकल्याण, सामाजिकसुरक्षा तथा विविधसामाजिकयोजनानां प्रशासनिककार्येषु उत्तरदायित्वं वहितवती।
उल्लेखनीयम् यत् पश्चिमबङ्गालस्य २९४ विधानसभास्थानानां कृते अस्मिन् समये द्वयोः चरणयोः मतदानं भविष्यति। प्रथमचरणस्य मतदानं २३ एप्रिल दिनाङ्के १५२ स्थानानां कृते, द्वितीयचरणस्य मतदानं २९ एप्रिल दिनाङ्के १४२ स्थानानां कृते भविष्यति। मतगणना ४ मई दिनाङ्के करिष्यते।
अधुनातननिर्वाचनस्य पूर्वनिर्वाचनैः सह तुलनां कृत्वा अस्मिन् समये न्यूनचरणेषु मतदानं आयोज्यते। २०२१ वर्षस्य विधानसभानिर्वाचनम् अष्टसु चरणेषु सम्पन्नम् आसीत्, यदा पूर्वेषु अनेकेषु निर्वाचनिषु षट् अथवा सप्त चरणेषु मतदानं कृतम् आसीत्।
हिन्दुस्थान समाचार