Enter your Email Address to subscribe to our newsletters
खड़गपुरम्, 17 मार्चमासः (हि.स.)।
विधानसभा-निर्वाचनस्य घोषणानन्तरं जनपदस्य १५ आसनेषु १२ आसनेषु भारतीय-जनता-पार्टी स्वीय-उम्मीदवाराणां नामानि घोषितवती। तथापि प्रकाशितायां सूच्यां हिरण्मय-चट्टोपाध्यायस्य नाम न समाविष्टम्, यः अधुना खड़गपुर-सदर-आसनात् विधायकः अस्ति।
खड़गपुर-आसनात् दलः पुनः दिलीप-घोषम् उम्मीदवाररूपेण नियुक्तवान्। अस्मात् पूर्वं २०१६-विधानसभा-निर्वाचने अपि दिलीप-घोषः अस्मात् एव आसनात् प्रत्याशी कृतः आसीत् तथा तेन विजयः प्राप्तः आसीत्। परन्तु २०२१-वर्षे जिते आसने वर्तमान-विधायकस्य हिरण्मय-चट्टोपाध्यायस्य चिटिका-अप्रदानात् राजनीतिक-वृत्तेषु चर्चाः तीव्रतां गताः।
निर्वाचन-आयोगेन निर्वाचन-कार्यक्रमस्य घोषणाया: अनन्तरं शीघ्रमेव भाजपया जनपदस्य १५ विधानसभा-आसनानां मध्ये १२ आसनेषु उम्मीदवाराणां प्रथम-सूची प्रकाशिताः। किन्तु अस्यां सूच्यां खड़गपुरस्य वर्तमान-विधायकस्य हिरण्मय-चट्टोपाध्यायस्य नामाभावात् जनपदस्य राजनीतौ नानाविधानि अनुमानानि प्रवर्तन्ते।
दल-सूत्राणां अनुसारं अद्यापि त्रिषु आसनेषु उम्मीदवाराणां घोषणा अवशिष्टा अस्ति। अतः राजनीतिक-विश्लेषकाः मन्यन्ते यत् अवशिष्टेषु आसनेषु कस्यचित् आसनस्य कृते हिरण्मय-चट्टोपाध्यायः उम्मीदवाररूपेण घोषितः भविष्यति। प्रथम-सूच्यां नामाभावेऽपि दल-कार्यकर्तृणां समर्थकानां च मध्ये तस्य टिकट-प्राप्तौ दृढः विश्वासः विद्यमानः।
मङ्गलवासरे प्रातःकाले सप्तवादने खड़गपुर-नगरे प्रातः-पर्यटन-समये हिरण्मय-समर्थकानां कश्चन समूहः केन्द्रीय-नेतृत्वे पूर्णं विश्वासं व्यक्तवान् तथा उक्तवान् यत् ते आशां कुर्वन्ति यत् आगामि-सूच्यां हिरण्मय-चट्टोपाध्यायः निश्चितं टिकटं प्राप्स्यति। समर्थकाः वदन्ति यत् २०२१-विधानसभा-निर्वाचने अपि तस्य नाम अन्तिम-क्षणे एव खड़गपुर-आसनात् घोषितम् आसीत्, तथापि सः दृढ-स्पर्धां कृत्वा विजयम् अलभत। अस्य अनुभवस्य आधारेण कार्यकर्तारः अस्मिन् समये अपि तस्य चिटिका-प्राप्तौ पूर्णां आशां वहन्ति।
---------------
हिन्दुस्थान समाचार