Enter your Email Address to subscribe to our newsletters
कानपुरम्, 17 मार्चमासः (हि.स.)। नगरनिगमस्य दश नवनियुक्तानां पार्षदानां सूची उत्तरप्रदेश-सरकारेण प्रकाशिताऽस्ति। भाजपाया: कानपुर-उत्तर-जिलामाध्यमप्रभारी अनुराग-शर्मा अवदत् यत् एषः निर्णयः महामहिम-राज्यपालस्य अनुमोदनेन कृतः अस्ति।
अस्मिन् अवसरे भाजपाया: कानपुर-उत्तर-जिलाध्यक्षः अनिल-दीक्षितः सर्वान् नवनियुक्तान् पार्षदान् अभिनन्द्य उक्तवान् यत् तेषां नेतृत्वेन विकसित-कानपुरस्य स्वप्नं शीघ्रमेव साकारं भविष्यति।
अनिल-दीक्षितः मङ्गलवासरे अवदत् यत् एते पार्षदाः स्वानुभवेन निष्ठया च कार्यशैल्या च नगरनिगमस्य विकासकार्याणि तीव्रतां नयिष्यन्ति। सः आशां व्यक्तवान् यत् पार्षदाः नगरवासिनां हितानि सर्वोपरि स्थापयित्वा योजनानां विकासकार्याणां च सफलतायै सक्रियां भूमिकां निर्वहिष्यन्ति।
नगरनिगमे मनोनीत-पार्षदानां कार्यकालः सामान्यतया षट्-वर्षीयः भवति, किन्तु सरकारेण चतुर्वर्षानन्तरं सूची प्रकाशितत्वात् एतेषां पार्षदानां कार्यकालः केवलं द्विवर्षीयः एव भविष्यति। तथापि जिलाध्यक्षः उक्तवान् यत् एतेषां पार्षदानां योगदानं नगराय महत्त्वपूर्णं भविष्यति।
मनोनीत-पार्षदेषु विजय-सिंह-सिंगर, सुभाष-गौड, रमेश-वाल्मीकि, विजय-पटेल, राजेश-श्रीवास्तव, आदित्य-शुक्ल, दिनेश-बाबा, नीतू-सिंह, निधि-वाजपेयी, कमला-साहू च समाविष्टाः सन्ति। सः सर्वान् प्रति अपीलं कृतवान् यत् ते स्वकर्तव्यानि पूर्ण-निष्ठया जनकल्याणदृष्ट्या च पालनं कुर्वन्तु।
हिन्दुस्थान समाचार