Enter your Email Address to subscribe to our newsletters
नवदिल्ली, 17 मार्चमासः (हि.स.)।
राजनीतिशास्त्र-समित्या दिल्ली-नगरस्थिते इंडिया इंटरनेशनल सेंटर इत्यस्मिन् स्थले द्विदिवसीयः “पॉलिटिकल साइंस कॉन्क्लेव 2026” नामकः कार्यक्रमः सफलतया आयोजितः। अस्मिन् कार्यक्रमे देशस्य विभिन्नभागेभ्यः आगताः त्रिशताधिकाः विद्वांसः, नीतिनिर्मातारः, विशेषज्ञाश्च समकालीन-भारते राजनीतिः, शासनम्, सार्वजनिक-नीतिः च इत्येषां गम्भीर-विषयेषु विचार-विमर्शं कृतवन्तः।
अस्य सम्मेलनस्य उद्घाटनं केन्द्रीय-शिक्षा-राज्यमंत्री डॉ. सुकांत मजूमदार महोदयेन कृतम्। तेन राजनीतिशास्त्रं “गतिशील-अनुशासनम्” इति वर्णितम्, यत् न केवलं शासनं, अपि तु कूटनीतिं सार्वजनिक-नीतिं च दिशानिर्देशं करोति इति उक्तम्।
विशिष्ट-अतिथिरूपेण इंडिया फाउंडेशन-संस्थायाः अध्यक्षः राम माधव महोदयः स्वस्य भाषणे राजनीतिशास्त्रीय-सिद्धान्तेषु भारतीय-सभ्यतागत-विचारैः सह गाढ-संबन्धस्य आवश्यकता अस्ति इति प्रतिपादितवान्। तेन विद्वद्भ्यः औपनिवेशिक-रचनाभ्यः अतिक्रम्य गन्तुं आग्रहः कृतः।
भारतीय-सांस्कृतिक-संबन्ध-परिषदः पूर्वाध्यक्षः डॉ. विनय सहस्रबुद्धे महोदयः स्वातन्त्र्योत्तर-कालस्य नीतिनिर्माण-प्रक्रियायां औपनिवेशिक-धारणानां निरन्तर-प्रभावं विवृणोति स्म।
लालबहादुर-शास्त्री-राष्ट्रीय-प्रशासन-अकादम्याः पूर्व-निदेशकः डॉ. संजीव चोपड़ा महोदयः राजनीतिशास्त्रीय-सिद्धान्तस्य व्यवहारतः अधिगमस्य आवश्यकता इति अवदत्। तेन “शान्ति-पर्व” इत्यादीनां भारतीय-परम्पराणां तथा भारते विकेन्द्रीकरण-सुधाराणां अनुभवाः अपि उल्लिखिताः।
अन्येषु सत्रेषु डॉ. निरंजन साहू (ऑब्जर्वर रिसर्च फाउंडेशन), प्रो. अश्विनी महाजन, प्रो. अशोक आचार्य, प्रो. पम्पा मुखर्जी, प्रो. हरिहर भट्टाचार्य, प्रो. आशुतोष कुमार इत्यादयः बहवः विद्वांसः स्व-विचारान् अवदन्। हांस साइडल फाउंडेशन-प्रतिनिधयः तथा प्रख्याता शिक्षिका शुभ्रा रंजन अपि सहभागिनः आसन्। अस्य सत्रस्य अध्यक्षता दिल्ली-विश्वविद्यालयस्य राजनीतिशास्त्र-विभागस्य पूर्व-प्रोफेसरः अध्यक्षः च प्रो. एम.पी. सिंह महोदयेन कृतम्।
द्वयोः दिवसयोः (12-13 मार्च) पर्यन्तं विविधेषु सत्रेषु बहुषु ज्वलन्त-विषयेषु चर्चा अभवत्। तेषु डिकॉलोनाइजिंग-पॉलिटिकल-साइंस, प्रौद्योगिकी-लोकतंत्र-संबन्धः, संघवादः, शासनम् इत्यादयः विषयाः समाविष्टाः।
समापन-सत्रस्य अध्यक्षता हेमवती-नन्दन-बहुगुणा-गढ़वाल-विश्वविद्यालयस्य कुलपतिः प्रो. श्रीप्रकाश सिंह महोदयः कृतवान्। अस्मिन् अवसरः इंदिरा-गांधी-राष्ट्रीय-कला-केन्द्रस्य अध्यक्षः राम बहादुर राय महोदयः अस्य सम्मेलनस्य “राजनीतिशास्त्रस्य अर्ध-कुम्भः” इति संज्ञां दत्तवान् तथा शैक्षणिक-विमर्शेषु भारतीय-बौद्धिक-परम्पराणां अधिक-स्थानस्य आवश्यकता इति उक्तवान्।
जाजपुर-क्षेत्रस्य सांसदः आर.एन. बेहरा महोदयः संसदीय-कार्येषु प्रौद्योगिक्याः भूमिकां विषये विचारान् व्यक्तवान्।
सम्मेलनस्य शैक्षणिक-भागे द्वादश-समान्तर-सत्राणि आयोजितानि, यत्र देशस्य विभिन्न-प्रदेशेभ्यः आगताः शोधकर्तारः शत-पञ्चाशदधिकानि शोध-पत्राणि प्रस्तुतवन्तः।
अस्मिन् आयोजने इंडिया फाउंडेशन, ऋषिहुड-विश्वविद्यालयः, मिरांडा-हाउस, हिन्दू-कॉलेज इत्यादीनां प्रतिष्ठित-संस्थानानां विशेष-सहयोगः आसीत्।
अस्य सम्मेलनस्य संयोजनं दिल्ली-विश्वविद्यालयस्य राजनीतिशास्त्र-विभागस्य अध्यक्षया प्रो. रेखा सक्सेना महोदया कृतवती, तथा सह-संयोजकत्वेन डॉ. स्वदेश सिंह महोदया अपि महत्त्वपूर्णां भूमिकां निर्वहन्ती आसीत्।
-------------
हिन्दुस्थान समाचार