Enter your Email Address to subscribe to our newsletters
चंडीगढ़म्, 17 मार्चमासः (हि.स.)। हरियाणाराज्ये राज्यसभाया द्वयोः आसनयोः कृते सम्पन्नमतदानस्य अनन्तरं मङ्गलवासरे प्रातःकाले लगभगं पौने त्रिवादने घोषितफलानुसारं एकस्मिन् आसने भारतीयजनतापक्षस्य संजयभाटियः तथा अन्यस्मिन् आसने कांग्रेसपक्षस्य कर्मवीरबौद्धः निर्वाचितौ अभवताम्।
सोमवासरे दिवसभरं नाटकीयघटनाक्रमेण सम्पन्नमतदानानन्तरं प्रायः एकादशघण्टापर्यन्तं मतगणनायां तीव्रविवादः अभवत्। सोमवासरे सायं चत्वारिवादनपर्यन्तं सम्पन्नमतदाने कुलं नवतौ विधायकेषु अष्टाशीतिः (८८) विधायका मतं दत्तवन्तः। इंडियन नेशनल लोकदलस्य उभौ विधायकौ अर्जुनचौटाला तथा आदित्यदेवी लाल मतं न दत्तवन्तौ।
विधायकसंख्यानुसारं भारतीयजनतापक्षस्य संजयभाटियस्य पूर्वमेव चयनं सुनिश्चितम् आसीत्। सोमवासरे सायं पञ्चवादने मतगणनापूर्वं भारतीयजनतापक्षेण टोहाना-क्षेत्रस्य विधायकस्य परमवीरसिंहस्य तथा ऐलनाबाद-क्षेत्रस्य विधायकस्य भरतसिंहबेनीवालस्य मतयोः विषये आपत्तिः कृत्वा निर्वाचनायोगे निवेदनं दत्तम्। तत्रैव कांग्रेसपक्षेण मन्त्रिणः अनिलविजस्य मतस्य विषये आपत्तिः प्रकटिता।
विवादस्य वृद्धौ सायं प्रायः साढेनववादने कांग्रेसपक्षस्य प्रतिनिधिमण्डलं केन्द्रीयनिर्वाचनायोगकार्यालयं गत्वा शिकायतां दत्तवान्। रात्रौ प्रायः साढेएकादशवादने कांग्रेसविधायकस्य परमवीरसिंहस्य मतं रद्दीकृतम्, भरतसिंहबेनीवालस्य तथा अनिलविजस्य मतौ मान्ये कृतौ। ततः अनन्तरं मतगणनायाः आदेशः प्रदत्तः।
मतगणनायां अपि बहुषु अवसरिषु कांग्रेस तथा भारतीयजनतापक्षयोः नेतृभ्यां मध्ये तीव्रवादविवादः अभवत्। गणनानुसारं कांग्रेसपक्षस्य पञ्च विधायकाः क्रॉसवोटिंग् कृतवन्तः, तथा च कुलं पञ्च मतानि रद्दीकृतानि, तेषु एकं मतं भारतीयजनतापक्षस्य अपि आसीत्।
अनेन प्रकारेण ८८ (दत्तमतानि) - ५ (रद्दमतानि) = ८३ (वैधमतानि) अभवन्। एतेषां कुलमतमूल्यं ८३०० आसीत्। अतः विजये एकस्मै प्रत्याशिने २७६६.६६ कोटामतस्य आवश्यकता आसीत्।
संजयभाटियः २७६६.६६, कर्मवीरबौद्धः २८००, तथा निर्दलीयप्रत्याशी सतीशनांदलः २७३३.३३ मतमूल्यं प्राप्तवन्तः। अतः कर्मवीरबौद्धः निर्दलीयप्रत्याशिनः सतीशनांदलस्य अपेक्षया ०.३३ मतमूल्येन विजयी अभवत्।निर्वाचनाधिकारिभिः अद्यापि आधिकारिकरूपेण विजयस्य घोषणा न कृता अस्ति।
---------------
हिन्दुस्थान समाचार